地茂館甜品

营业中

休息中

去到九龙城，除咗食地道泰国菜，当然要食埋糖水先走啦！行得好辛苦先揾到间地茂馆，谂都唔谂就入咗去啦～𠮶时仲系8点几，唔算太多人，所以我地都唔驶等。里面都算宽敞，又好几张大枱，都可以考虑一大班人放工或者去食宵夜糖水嫁！环境好似一间冰室，但系非常干净，我好中意。各位姐姐都服务好好。谂咗好耐我决定叫咗豆花芝麻糊。味道系非常浓嘅芝麻味，绝对唔会系出面街求其用啲芝麻糊粉冲又或者少少芝麻就落几百担糖𠮶啲！豆腐花都好重豆味。成碗味道好夹，唔会话有边只味盖过另外𠮶只味，十分平均！值得推介！至于莲子杏仁糊，我本身好唔中意杏仁𠮶只味，所以冇试到。不过朋友话，好重杏仁味，同埋真系好足料。差不多每一啖都有莲子，但又唔系话太甜！朋友平时唔中意食甜品，都9秒9清咗⋯味道应该唔错。