六本渥日本料理鐵板燒+爐端燒 (已易手) 新餐厅

要数性价比高铁板烧店，呢间肯定榜上有名！十道菜嘅头盘系冲绳海葡萄沙律，之后上刺身盛合(有三文鱼、油甘鱼、海胆、甜虾)、跟住靓仔大厨出场，在蛋壳内灌蛋浆，蒸熟后撒上黑鱼子，咸得有道理，好嘞！我最期待嘅画面出现了……鉄板烧北海道鳕场蟹脚！睇住长脚蟹慢慢变红……上碟……一啖啖"噬"佢，正呀！弹牙架！食时迟那时快，大厨又将刚从鱼缸捞起嘅话鲍鱼，用十大酷刑之一嘅生烧活剥将佢壳肉分离，煎不过一分钟就上碟，虽然细只啲，但好爽好有咬口！… 跟住就系食传说中比神户牛更高级嘅飞驒牛，今次拣五成熟，大厨又再显功架，将火烧到天花板咁高！咦！方形厚切嘅飞驒牛咬落去咁似棉花糖腍滋滋，系好爽，不过有渣。反而三文鱼扒几有骜喜，油份啱啱好、之后食埋黑松露野菜炒面，遇热嘅松露好香好浓，蚬肉味噌汤唔咸ok㖞，甜品系木糠奶冻，比坊间嘅木糠布甸更滑！😀😉