Deep Sea Oyster & Steak

营业中

休息中

星期日系我同老公结婚半年既日子，所以出去食返餐好既。我地叫左深海商务套餐 (二人份量)，再另叫牛油煎带子、焦糖布丁蛋糕。是日餐汤系黑松露蘑菇忌廉汤，蘑菇味同黑松露味好香，几好饮。杂菜沙律沙律菜好新鲜，酱汁几开胃。新鲜靓生蚝分别系日本室津蚝N.1同爱尔兰Dooviel No蚝。食左日本生蚝先，本身已经调左味，入口非常肥美，只蚝好厚肉。爱尔兰蚝落少少柠檬汁，味道好鲜甜，两只都好正。迷你刺身拼盘有三文鱼、带子、八爪鱼、牡丹虾，全部都好鲜甜肥美，好好食。煎脆皮鹅肝多士脆身唔𠝹口，鹅肝好香口又肥美，好美味。美国安格斯肉眼肉眼份量好多，重牛味，另外有薯条、翠肉瓜同洋葱。深海海鲜拉面拉面系幼身既，海鲜有虾、蟹柳，仲有菇、半只溏心蛋、日本鱼糕片、鱼丸，十分丰富。无酒精饮品叫左石榴特饮同柚子蜜梳打。牛油煎带子带子几有咬口，牛油味唔算好重。焦糖布丁蛋糕蛋糕细细件，冰感十足，唔会过甜。