老夫子餐館 (已結業)

今日系结婚纪念日老公话好想去试试老夫子餐厅，听落都已经有啲“耐人寻味”。我本人没有特别喜恶，只是对佢选择于纪念日去觉得有趣， 既然我俩都未去过就顺他意思去试试看，就当系去一个平平地嘅主题乐园。餐厅位置在太子楼上舖，唔算太显眼，不过除非你唔系香港长大，对老夫子一无所知，如果唔系无可能走漏眼。上到楼梯，两个人两对眼都被餐厅的装修及布置摆设吸引住了，难怪我老公会那么兴奋要到这里试试，真系儿时回忆返晒来，食物选择就原原全全系茶餐厅菜式，同的早/午/特/快餐啰。坐落先知原来其实系金记冰室的另一分支店，主题餐室食装修就自然对食物无乜特别要求，不过价钱始终要贵过一般茶记再坐耐小小就发现依度真系俾一班好似我吔咁嘅kidults 来玩嘅老夫子主题餐厅，店内有很多老夫子漫画，到处的装饰都可供各食客拍照，我俩亦玩得好投入，如大众同好拍照不断过足瘾。因为当日早去关系所以冇打算订枱，抵达时亦刚好有位，但坐了不久踏入午餐时间就开始人多，原来大部分客人都有订位的真系有啲估佢唔到，有啲重系游客𠻹老夫子果然名不虚传，但系食物绝对唔系依度嘅主打，餐厅的公仔同装修先系真正卖点所以唔好对食物有任何特别期待。