祥勝茶餐廳

营业中

休息中

一条好好嘅问题，就系咩系一份邪恶嘅面食？机缘巧合之下，朋友推介我尝试咗呢个猪扒，午餐肉，煎蛋捞公仔面。午餐肉，系厚切嘅，同一般平时茶餐厅食开𠮶啲五香肉丁午餐肉公仔面，薄切嘅午餐肉，系好大分别。另外，午餐肉嘅面积亦都好令人振奋，大大啖嘅午餐肉咬落去，真系回味无穷。猪扒系出色嘅，第一，虽然猪扒系好厚切，但系猪扒唔靭，咬落去亦都好有口感。再讲，店主亦都有将猪扒切开，方便懒人。猪扒，系煎过嘅，熟嘅程度比一般为多，但系未至于烧焦，啱啱恰到好处。煎蛋，可能大家都识煮，但系煎㶶蛋白，蛋黄仍然系流质唔容易。另外值得一提嘅系，呢个系捞公仔面系用豉油捞嘅公仔面，同一般汤面好大分别，味道比一般更浓，食嘅时候亦唔需要担心因为浸喺个汁度太耐而个面底发胀。所以，呢个捞面绝对称得上一份邪恶嘅面食。