餃掂手工餃子雲吞專門店

今日喺铜锣湾活动，又唔想食饭，所以就去咗食饺掂。喺香港食饺子来讲，饺掂算系数一数二出名好食嘅。佢嘅松茸饺做得十分出色，令到我同男朋友时不时都会想去食野生松茸素饺 - 饺子皮晶莹通透，而且饺皮唔会好厚，馅料胀满好似就嚟破皮而出，视觉一流。松茸属于菌类，有淡淡嘅菌类嘅清香味道，饺子皮薄馅多，清新得黎又好有满足嘅感觉。龙凤松茸双灼饺跟状元汤 - 呢个系黑松露同白松露嘅双饺，黑松露味道相对浓郁啲，白松露就比较清香，而佢嘅状元汤亦都有浓浓嘅菌味，三者配合得天衣无缝。韭菜元贝双拼煎饺 - 煎饺有佢吸引嘅地方，整得好嘅煎饺皮脆有肉汁，系钟意食香口野嘅人嘅不二之选。味道浓郁嘅韭菜饺，可以话系煎饺嘅表表者。而元贝煎饺亦鲜甜美味，令人回味。野味酸辣云耳 - 云耳配合酸醋同辣嘅味道开胃得黎又有益，我哋都好钟意点呢个做前菜。我哋两口子都好钟意食饺子，饺掂系我哋其中其中一间好钟意嘅饺子店，铜锣湾呢间铺味道都不错，我哋之后都一定会再嚟帮衬。