影片
更多
2023-04-30
54 浏览
Chatterbox cafe 听个名你以为系啲咩港女西餐厅，点知原来佢系出名食海南鸡饭星洲菜，好日都唔会去K11 Musea，但今次食完Chatterbox，就多咗一个好好嘅原因成日嚟装修环境就唔使讲啦，系得K11，实有返咁上下，成间野整体感觉时尚、亦都好舒服，座位都系松动，唔会同隔离太贴。餐牌唔算好大本，选择贵精不贵多，佢哋系扫QR code落单嘅，所以都非常方便。🐣文华海南鸡饭唔使谂必叫啦，如果想食鸡髀加$10就有啦。卖相唔算惊天动地，都系好平实嘅海南鸡饭，但每样嘢食落口，就真系明白点解会系王牌。鸡，滑，去骨，唔肥，佢应该放咗啲特别嘅酱油落去，就算唔点酱，都好够味，仲要系好好味个只，份量一啲都唔细，有两层嘅鸡髀肉㗎。油饭都系十分出色，有油香但系食落唔肥腻，加埋佢个汤，真系令人好满足。🦐星洲海鲜炒贵刁呢个贵刁我会话系一个黐线嘅炒贵刁，系你望落去系好油，食落去其实都有啲油腻感，但其实真系好好食，好够镬气，每一条贵刁上面嘅酱油都系平均，啲海鲜都系好有酱油镬气嘅味。最黐线嘅位系（我唔知自己有冇食错啦），佢入面有少少脆脆口感嘅东西，开头我见到系一啲鱼干仔嚟嘅，后尾食食吓就觉得系有啲炸猪油渣
Chatterbox cafe 听个名你以为系啲咩港女西餐厅，点知原来佢系出名食海南鸡饭星洲菜，好日都唔会去K11 Musea，但今次食完Chatterbox，就多咗一个好好嘅原因成日嚟
装修环境就唔使讲啦，系得K11，实有返咁上下，成间野整体感觉时尚、亦都好舒服，座位都系松动，唔会同隔离太贴。
餐牌唔算好大本，选择贵精不贵多，佢哋系扫QR code落单嘅，所以都非常方便。
🐣文华海南鸡饭
唔使谂必叫啦，如果想食鸡髀加$10就有啦。卖相唔算惊天动地，都系好平实嘅海南鸡饭，但每样嘢食落口，就真系明白点解会系王牌。鸡，滑，去骨，唔肥，佢应该放咗啲特别嘅酱油落去，就算唔点酱，都好够味，仲要系好好味个只，份量一啲都唔细，有两层嘅鸡髀肉㗎。油饭都系十分出色，有油香但系食落唔肥腻，加埋佢个汤，真系令人好满足。
🦐星洲海鲜炒贵刁
呢个贵刁我会话系一个黐线嘅炒贵刁，系你望落去系好油，食落去其实都有啲油腻感，但其实真系好好食，好够镬气，每一条贵刁上面嘅酱油都系平均，啲海鲜都系好有酱油镬气嘅味。最黐线嘅位系（我唔知自己有冇食错啦），佢入面有少少脆脆口感嘅东西，开头我见到系一啲鱼干仔嚟嘅，后尾食食吓就觉得系有啲炸猪油渣，𠮶一刻我就觉得，系咪黐线，唔怪得知得炒得咁好食。虽然充满邪恶感，但我觉得都值得一食。
🐥特色咸蛋鸡翼
全餐最邪恶！咸蛋黄炸鸡翼！佢啲鸡翼系有埋鸡翼尖㗎，好正！一上枱，就闻到咸蛋黄嘅香，师傅真系一啲都唔吝啬，每只鸡翼都系布满住咸蛋黄！新鲜炸出嚟，香脆感100%！！
其实佢仲有啲甜品都好想试吓，但系三碟已经够晒饱，唯有下次先再嚟试啦
9 浏览
0 赞好
0 留言
张贴
