影片
更多
2024-07-08
172 浏览
搬屋搬到头晕晕，剩系知肚饿，唔知想食乜😩，突然好想食猪润粥，大热天时难得老婆唔介意，直去沙角邨。呢间舖前排装修完，希望品质比以前好啦！叉烧肠秒速送到，似乎不是即叫即整，太太碎牛粥都好快到，正正常常，不过炸両就等咗十几分钟，油炸鬼好脆，值得等嘅。差唔多食晒D嘢，我碗艇仔猪润粥都未到就有D奇怪(超过20分钟)，个场又唔系旺，外卖又唔多⋯⋯正准备揾姐姐追单，一碗满到泻嘅粥送到我面前，艇仔部份正常嘅，猪膶呢？好想知道个师傅系咪第一次煮猪润粥，D猪润可以煮到硬晒冇晒肉汁，嚡熠熠仲老过D汤渣😵💫！本来好想投诉，不过餐牌又冇写猪润会煮几熟，最后食咗几啖就放弃咗，之后落街市买寿司返屋企食。大师傅㖞?! 建议取消生滚粥，卖番D简单嘅嘢，再唔系改改个名，唔洗笑大人个口🤣🤣是日消费：猪润艇仔粥$41 碎牛粥$28 叉烧肠$20 炸両$20共 $109
呢间舖前排装修完，希望品质比以前好啦！叉烧肠秒速送到，似乎不是即叫即整，太太碎牛粥都好快到，正正常常，不过炸両就等咗十几分钟，油炸鬼好脆，值得等嘅。
差唔多食晒D嘢，我碗艇仔猪润粥都未到就有D奇怪(超过20分钟)，个场又唔系旺，外卖又唔多⋯⋯正准备揾姐姐追单，一碗满到泻嘅粥送到我面前，艇仔部份正常嘅，猪膶呢？好想知道个师傅系咪第一次煮猪润粥，D猪润可以煮到硬晒冇晒肉汁，嚡熠熠仲老过D汤渣😵💫！本来好想投诉，不过餐牌又冇写猪润会煮几熟，最后食咗几啖就放弃咗，之后落街市买寿司返屋企食。
大师傅㖞?! 建议取消生滚粥，卖番D简单嘅嘢，再唔系改改个名，唔洗笑大人个口🤣🤣
是日消费：
猪润艇仔粥$41 碎牛粥$28 叉烧肠$20 炸両$20
共 $109
张贴
