順。越南牛肉粉

营业中

休息中

今日要自己一条友系沙田食晚饭，谂起沙田好运中心仲有几间新开嘅餐厅未试过，决定系呢间「顺。越南牛肉粉」解决今晚嘅晚餐。因为系新开冇耐，餐厅装修好新正光猛，店内有唔少卡位，三几知己或家庭集会都好岩黎食。最重要店内有好多唔同嘅食物可以选择，无论你想食小食，沙律素菜类，肉类定系面食，样样都有好多款选择。今次见到好多一家大小黎食，应该好受住系附近嘅沙田友欢迎。今日得一个人，所以只系叫左碗「顺化汤金边粉」。好大一碗，入面有齐牛腩片、牛肉丸、扎蹄，好足料，绝对唔系一样得一小份，一个人食绝对够。另外叫左杯「椰青」，靓女店长话系新鲜坐飞机返黎嘅就决定试下。估唔到椰汁好甜，入面嘅椰肉都好嫩好食，系食过数一数二好味嘅椰青！