山下見日式料理 (已結業)

呢间喺荣芳街街市对面嘅小店 之前每次经过都有长长嘅人龙 今次比较早放工 见得两三个人排队就试吓佢啦😺店舖内座位数目有限 有高枱同两三张四人枱 咁啱排到我地系坐高枱 可能女仔身高问题 会坐得唔系咁舒适😗 店员都好好礼貌 又系食嘢嘅期间主动为我地加几次茶🍵 都几窝心炙烧三文鱼丼 系炙热咗嘅半生熟三文鱼🔥 有整整六片咁多 而且每片都有一定嘅厚度 唔会薄到全块都熟晒 咬落口仲有好香嘅鱼油 再配埋麻酱 送饭一流角切鱼生丼 鱼生份量好多 再加上有双色蟹籽 有三文鱼 吞拿鱼 玉子 青瓜 色彩好丰富 啱晒啲钟意乜都有少少嘅朋友🙊特级吞拿鱼蓉丼 卖相虽然一般 好似生嘅猪肉饼咁😂 但味道系非常新鲜嘅吞拿鱼蓉 钟意食吞拿鱼嘅朋友一定会钟意🥰三个丼嘅质素都唔错 好期待下次再试其他丼 因为选择实在太多😛