影片
更多
2023-05-29
209 浏览
上星期五晚（26/5）食完呢间餐厅，令我忍唔住第一次出post，以免大家再受气。1. 我地一行七个人，五个成人，一个中一学生一个小二学生，坐低都仲睇紧餐牌，门口收银阿叔已经吩咐侍应俾七个汤我地。侍应过黎问我地要咩汤，我话我地想睇下食咩先，跟住佢话：我地系要叫左汤先，你地七个汤，几多红几多白？可能佢无咁嘅意思啦，但我地收到嘅暗示就系我地一定要叫七个餐，中一我可以接受，小二，点解一定要叫一个餐呢？佢明明写住最低消费一人$20。为免麻烦，我地无反抗，叫左七个餐。2. 汤同餐包喺我地仲未决定到食咩，已经全部黎哂，侍应嘅高效率，一直keep住，我仔的意粉仲未到，佢就捧住一盘啫喱黎，问佢要唔要花奶。我话：佢意粉都未到㖞。阿姐话：意粉系慢啲，咁你要唔要奶？我话：食完嘢我地先要甜品。阿姐话：你可以放喺枱度，食完嘢食。我再话：我唔想咁快要甜品。阿姐再话：你唔要我咪又系是但放出嚟，我唔会放返入雪柜。3. 成餐饭我地真系好忙，意粉未到，要处理甜品，之后，阿叔叔又要我地叫饮品了。佢喺收银位叫过黎，吩咐我地要叫饮品。我朋友讲得唔太清楚，叔叔表示不满意，我唯有大大声，清晰地讲一次我地饮咩，叔叔才收货。但我唔明白，
1. 我地一行七个人，五个成人，一个中一学生一个小二学生，坐低都仲睇紧餐牌，门口收银阿叔已经吩咐侍应俾七个汤我地。侍应过黎问我地要咩汤，我话我地想睇下食咩先，跟住佢话：我地系要叫左汤先，你地七个汤，几多红几多白？可能佢无咁嘅意思啦，但我地收到嘅暗示就系我地一定要叫七个餐，中一我可以接受，小二，点解一定要叫一个餐呢？佢明明写住最低消费一人$20。为免麻烦，我地无反抗，叫左七个餐。
2. 汤同餐包喺我地仲未决定到食咩，已经全部黎哂，侍应嘅高效率，一直keep住，我仔的意粉仲未到，佢就捧住一盘啫喱黎，问佢要唔要花奶。我话：佢意粉都未到㖞。阿姐话：意粉系慢啲，咁你要唔要奶？我话：食完嘢我地先要甜品。阿姐话：你可以放喺枱度，食完嘢食。我再话：我唔想咁快要甜品。阿姐再话：你唔要我咪又系是但放出嚟，我唔会放返入雪柜。
3. 成餐饭我地真系好忙，意粉未到，要处理甜品，之后，阿叔叔又要我地叫饮品了。佢喺收银位叫过黎，吩咐我地要叫饮品。我朋友讲得唔太清楚，叔叔表示不满意，我唯有大大声，清晰地讲一次我地饮咩，叔叔才收货。但我唔明白，佢听得唔好点解唔行过黎，要全间餐厅嘅人都听到我地饮咩。
4. 忙碌左一轮，终于食得哂七个餐，所有汤呀包呀甜品呀之后，想好好地倾下计啦，我地食饭唔系只系肚饿想食嘢架嘛，倾左一阵，阿姐出动劲执嘢，再过一阵见我地无动静，阿叔再行过黎，话外面好多人等位，叫我地要走……其实佢从无讲过有限时，我地又唔系坐左三四个钟唔肯走，而佢出面，都唔系真系好多人啰（至少我地出到去，门口无人等位）结果，佢成功激励到一个从未对一间餐厅写过劣评的我，为佢写出第一篇。
上黎一望，原来佢都唔少负评，睇黎佢无针对我地，对大家都系咁。
环境一般，食物都好一般，价钱唔贵但唔系平，$90以上一个餐，服务态度可以由头差到落尾的餐厅，我喺附近大把其他选择喇
张贴
