影片
更多
2017-01-15
5101 浏览
又喺嚟到每月一次嘅港铁特惠星期六，成人可以以小童价搭地铁，所以，死佬夏总又搞转港岛东行山团，路线喺极轻松嘅砵甸乍郊游径搭少少落大浪湾段。但晌港岛东行完山，又点会嚟九龙湾饮茶呢？真喺鸣谢另一死佬孔七兄，晌港岛开完工，专登兜过嚟柴湾接我哋，跟手过返海去佢地胆区域饮茶，MegaBox胜在有两粒钟免费泊车，所以，拣嚟御苑皇宴饮茶，绝非偶遇。叫得「皇宴」嘅酒楼，主打都喺搞婚宴，所以，环境唔使多讲，一定唔差得去边。高楼底，大型水晶灯，总之装修富丽堂皇。题外话，成个大堂一条柱位都无，摆婚宴几好，但舞台开晌大堂打横中间，感觉就麻麻啫。晌入门口位已架设价钱牌，一目了然，童叟无欺，由小点到特点，正价要$21.8-$38.8，茗茶$11位，前菜小碟又收$10，其实饮落都唔平 。幸好，有早午市时段及下午茶时段优惠，好似我哋星期六嚟，遇啱10:00am-2:00pm时段竟然有六折，划算好多（而以下点心所标嘅价钱，已经喺折实价）。不过，我哋几个死佬都几大食，一行5人，折咗都食成四百几蚊。蟹籽烧卖皇 $20.9蟹籽嘅份量唔多，觉得喺装饰大过实际，不过，烧卖确实做得唔错，无乜肥猪肉，搓得松化，仲加入咗少少鲜虾肉提升个
叫得「皇宴」嘅酒楼，主打都喺搞婚宴，所以，环境唔使多讲，一定唔差得去边。高楼底，大型水晶灯，总之装修富丽堂皇。题外话，成个大堂一条柱位都无，摆婚宴几好，但舞台开晌大堂打横中间，感觉就麻麻啫。
晌入门口位已架设价钱牌，一目了然，童叟无欺，由小点到特点，正价要$21.8-$38.8，茗茶$11位，前菜小碟又收$10，其实饮落都唔平 。幸好，有早午市时段及下午茶时段优惠，好似我哋星期六嚟，遇啱10:00am-2:00pm时段竟然有六折，划算好多（而以下点心所标嘅价钱，已经喺折实价）。不过，我哋几个死佬都几大食，一行5人，折咗都食成四百几蚊。
蟹籽烧卖皇 $20.9蟹籽嘅份量唔多，觉得喺装饰大过实际，不过，烧卖确实做得唔错，无乜肥猪肉，搓得松化，仲加入咗少少鲜虾肉提升个口感。
山竹牛肉球 $13.1牛肉球入口有点点陈皮香，马蹄粒再多啲就更爽。题外话，友人问牛肉球都无加山竹（水果嘅一种），点解叫山竹牛肉球，咁菠萝包都无菠萝啦，我估大抵好似菠萝包咁，搓出嚟个牛肉球似山竹，咪咁叫啰。
四宝滑鸡扎 $20.9唔知边个创出鸡扎依样点心，一件点心就有4样嘢食：鸡肉、火腿、鱼肚、冬菇，鸡肉唔知喺咪脾位，质感非常滑溜，鱼肚吸收咗少少火腿嘅咸香味，绵绵香香。
瑶柱珍珠鸡 $23.3珍珠鸡就包得有啲迤，打开一睇，有啲蛋黄晌啲糯米外面，再倒转原来啲馅料喺包唔冚，以下张相喺打开后嘅实况，还好喺味道唔错，糯米烟糯，又塞满馅料，交足货。
椰汁奶黄包 $17.3一客有3个奶黄包，虽然啲奶黄馅唔似得啲流沙包流得咁澎湃，但奶黄馅柔滑有蛋香，椰香味就唔太出，包身却松软唔黏牙。
丹麦皇冠叉烧包 $17.3美丽嘅误会，友人以为个叉烧包做成「皇冠」咁型，所以点咗一客，其实「丹麦皇冠」（Danish Crown）喺一只丹麦有机猪肉嘅品牌，两年前小弟有幸晌一次活动接触依个品牌（详情可参阅此食评：http://garycwm.blogspot.hk/2015/03/berliner-german-bar-and-restaurant.html）。讲番个包，包身同样做得松软，叉烧馅做得香浓惹味，却一啲都无肥肉。
沙律明虾角 $20.9一班死佬年纪唔细，有啲仲周身病痛，但照样食嘢唔健康，煎炸嘢更唔少得。依碟明虾角真喺唔错，外皮好脆口，里面嘅虾肉确喺几爽弹。
鲜虾腐皮卷 $20.9相对碟沙律明虾角，依碟鲜虾腐皮卷就失色少许，唔喺唔好食，但对比起，腐皮内只有一抹虾胶，无明虾角啖啖肉咁爽，再者，炸得油咗少少亦喺话佢失色嘅原因。
丹麦皇冠叉烧肠粉 $20.9之后再睇埋有个「皇冠」肠粉，就知「皇冠」喺指个品牌。肠粉我就觉得不过不失，叉烧馅OK嘅，肠粉皮都滑，不过就拉得厚啲。
香煎蕃薯饼 $17.3酒楼做紧少少客家特别点心，共5款，小弟又好钟意食蕃薯嘅，所以，嗌一客香煎蕃薯饼试试，细细件一个，一口一件又得，两口先一件都得，饼皮确有蕃薯味，不过唔好期望好突出，内里配清甜嘅豆沙，其实可以当甜品嚟食。
爽滑芝麻卷 $12依班死佬对甜点一向兴趣麻麻，不过，怀旧吓就点一客「菲林」嚟过口瘾。黑漆漆嘅芝麻卷，芝麻味几浓，入口既爽且滑，只喺$12客，绝对食得过。
油鸭腊味煲仔饭 $45秋冬时节，又喺食腊味嘅时候，原则上以我哋班死佬嘅状态，真喺唔应该食啲咁高胆固醇嘅嘢，不过，想食就总有藉口。一开盖，香喷喷，腊味份量十足，有齐腊鸭、腊肠、膶肠同腊肉，啲腊味质素唔错，腊鸭好甘香，膶肠喺小弟至爱。
豉椒烟鸭胸炒河 $78厨部有啲假日推介炒粉饭面，定价唔贵，都喺$80、$90。个炒河都嚟得好快，点心都未食到一半就上枱，睇相就知份量好够碟头，味道方面，炒得有板有眼，豉椒味几香，个茨又唔会太浆，仲有落咗唔少烟鸭胸。
完咗今次食评之前，又顺便分享吓今次条行山径，亦顺便鸣谢埋老友嘅御用模特儿「四叶妹妹」。砵甸乍郊游径位于石澳郊野公园内砵甸乍山山腰嘅一条小径（全长1.9公里），绝大部份喺平路，易行到不得了。由石澳道大潭峡惩教所起步，先接港岛径第8段，再驳入砵甸乍郊游径，歌连臣角道出再落番柴湾，夹埋晒我估大概3公里，轻松行，两个钟一定够晒。
总结埋酒楼嘅服务，梗喺赞佢好啦，事后先留意到计少咗我哋一个茶钱，其实，服务唔错，上齐嘢，无漏单，依啲喺基本，收碟、添水都好快手，侍应都几有礼貌，唯一甩辘喺拎咗我哋壶寿眉去冲，却喺放错隔离枱，而隔离枱又无出声，哈哈！整体御苑皇宴做嘅点心唔错，无惊喜但属稳打稳扎型，而且，环境又确喺好坐，只喺少嚟九龙湾，仲要喺晌MegaBox，故再帮衬嘅机会细，但如果嚟开依头又想叹茶，御苑皇宴喺个唔错嘅选择。
张贴
