Mi Casa Chilean Oyster Bar (已結業)

听朋友讲话大坑京街有间餐厅食蚝好抵,于是同朋友走去试,果然真系不出所料,生蚝即柯打即开,又新鲜!我地叫左生蚝拼盘,一共有6款(每款两只)来自唔同国家,仲有两只翡翠螺(翡翠螺好正,又弹牙,唔错!)仲送埋白酒,不过我同我朋友唔饮白酒既,老板就话可以转比多两只蚝!(唔记得边只蚝)我同朋友就满心欢喜可以食多两只蚝都抵到烂啦!仲叫左唔记得系咩,系焗田螺,一碟有6粒,田螺有d香草味,正...一流!之后黎多个智利式多士,多上焗左之后系饱上面洒粒粒三色椒好味,好脆,又正...而凯撒沙律d沙律酱,烟肉干粒,面包粒都系自家制,好有心思,而蔬菜又干净,又新鲜,无黄菜无烂菜都食得开心啦!其实鸭干扁通粉有切成粒粒白菌,粒粒鸭干都唔错,好香,但不算油腻都可以接受既!之后再黎多碟猪扒,猪扒上连汁点埋食都ok既,不过价钱嫌贵少少...最后食埋心太软,有朱古力又雪糕,一切开朱古力中间就即溶出黎,我就点埋雪糕一齐食,又热又冻,感觉好得意!哈哈~虽然舖位得4张枱,但因为人多,老板Garry又忙又不忘亲自招呼客人,有耐心的确系最好的服务态度,而我同朋友就建议下次生日,情人节圣诞节...搞party最好一定会选择去Mi Cas