雲長小龍坎老火鍋 (已結業)

如果想揾重口味嘅火锅打边炉，可以嚟呢间铜锣湾非常就脚嘅麻辣火锅店。 不过佢嘅汤底“麻“方面就差少少，不过就难“辣“度十足。 由于同行者有不食辣嘅朋友，所以点左一个鸳鸯汤底，一边系麻辣，一边系返蕃茄，再点咗几样看似几有特色嘅配料打边炉。第一样系喺相中睇到嘅一个摩天轮，上面摆咗唔同嘅手打肉丸，同埋类似水饺类嘅饺子，影相确系几好睇。 不过，性价比就一般，因为分量比较少。另外值得一提嘅系摆得好靓嘅玫瑰花猪颈肉， 呢个份量就对得住个价钱，而且影相都真系一朵盛开嘅粉红色玫瑰。其他配料嘅品质都唔错， 最后叫做一个小食，系椒盐炸粟米，食落几香口，不过70蚊食一条粟米就略有点贵，不过佢上碟嘅时候样子都几特别。最后值得一赞嘅系餐厅十分细心，准备一条即弃嘅围巾畀客人围住，为免衣服吸收太多食物味道同埋浅到辣油。