影片
更多
2024-03-01
46 浏览
小弟第一次系Open Rice 写食评。因为真系不得不俾Like爆爆锅啰。仲要俾好多好多好多Like添。第1个LIKE👍🏻小弟打电话book枱，接线个男仔好好态度又好好耐性。（大家都知好多餐厅嘅都会好恶又大大声，快快手讲完连ByeBye都唔讲就cut咗线！）第2个LIKE👍🏻我哋坐埋枱后，waitress A 问我地系唔系第一次嚟，之后又好细心咁介绍咗个Menu。第3个LIKE👍🏻基于小弟懒得QR code 落单，便问Waitress B 可否帮我地落单。佢非常乐意，绝无嫌弃我哋。第4个LIKE👍🏻小弟六人同行，有国内朋友，有菲律宾朋友，有马来西亚朋友。waitress B 帮我地落单时又要讲英文，又要讲国语，又要讲广东话。非常之有耐性又有礼貌。第5个LIKE👍🏻汤底很够味，牛肉靓，D菜系自助。粟米好甜，小弟对芋头唔系太好，但都觉得好好食。所有食材都好新鲜。价钱又非常之合理。第6个LIKE👍🏻食饱饱闪人行出门口时，Waitress A 其实忙紧搞清洁。但佢见到我哋逐个逐个行出去时经过佢，佢每次都会拧个头向返住我地，望住我地讲Thank you & Bye Bye, 但只手系继续抹紧个卡
第1个LIKE👍🏻
小弟打电话book枱，接线个男仔好好态度又好好耐性。（大家都知好多餐厅嘅都会好恶又大大声，快快手讲完连ByeBye都唔讲就cut咗线！）
第2个LIKE👍🏻
我哋坐埋枱后，waitress A 问我地系唔系第一次嚟，之后又好细心咁介绍咗个Menu。
第3个LIKE👍🏻
基于小弟懒得QR code 落单，便问Waitress B 可否帮我地落单。佢非常乐意，绝无嫌弃我哋。
第4个LIKE👍🏻
小弟六人同行，有国内朋友，有菲律宾朋友，有马来西亚朋友。waitress B 帮我地落单时又要讲英文，又要讲国语，又要讲广东话。非常之有耐性又有礼貌。
第5个LIKE👍🏻
汤底很够味，牛肉靓，D菜系自助。粟米好甜，小弟对芋头唔系太好，但都觉得好好食。所有食材都好新鲜。价钱又非常之合理。
第6个LIKE👍🏻
食饱饱闪人行出门口时，Waitress A 其实忙紧搞清洁。但佢见到我哋逐个逐个行出去时经过佢，佢每次都会拧个头向返住我地，望住我地讲Thank you & Bye Bye, 但只手系继续抹紧个卡位。态度很好，有礼貌，又勤力。
总结：
其实仲有好多LIKE的😉
小弟系土生土长香港人，真系好耐无试过系外面食饭食得咁Enjoy，咁舒服。
（香港好多食市嘅水准已经唔系好，重点在于D员工态度真系差到顶点。黑面！无礼貌！态度差！粗鲁！呼呼喝喝！真系乜都齐。）
E+出去食个饭好似争人钱咁，十个起码有八个都受气。
但爆爆锅真系值得俾Like。特别系呢一班出色嘅员工。有礼貌，态度好，有耐性，勤力，专业，完全揾唔到任何差的一面。
真心希望爆爆锅老板睇到我呢段Comments (唔好意思，有啲长）
祝生意兴隆，财源广进。
无论出品及服务都一定要keep住。
重点：一定要加佢哋人工💰💰
小弟住系荒山野岭。好少出城。
但有机会就绝对会再嚟帮衬。
张贴