放牛牛 (已結業)

回家途中，见到街角开左间新店，好奇之下行左埋去望望。哇！原来系雪糕店，仲要啲雪糕好靓呀！！！忍唔住冲入去试番杯！入到去，整野食个度烟雾弥漫，唔知咩事，我怀疑系棉花糖机啲粉？叫左个风牛牛。原本贪心想加多个toppings，但店员好无礼貌咁话呢个系set好左而且满晒无位加。咁好啰，唔加啰好叻咩。之后拎左张飞等左阵，整食物既职员先话原来要比飞佢地先会整，态度又好似觉得我好蠢咁，真系嬲嬲地。雪糕终于到喇，外型真系几靓，雪糕既薰衣草紫搭上cone既彩虹，算系消番啖气啦！雪糕系好冰感个种，似乎同佢标榜既北海道牛乳一啲关系都无；薰衣草味闻落同食落第一口都ok，但之后就开始觉得好假同太甜。个蜜糖窝夫，食落比较干同硬，有牛油味同咸味，但一啲甜同蜜糖味都无，叫牛油窝夫会比较合理。液态氮菠萝，口感同罐头既无咩分别，但真系好酸。雪糕筒好厚，亦好甜，令成个风牛牛甜上加甜，不过惊喜既系，个cone入面fill满左朱古力脆米，最低个度有粒棉花糖，系几得意，但不是特别好味。但令人好嬲既系，上网睇人地啲风牛牛，人人都有朵威化花花，但我个杯系！无！咖！唔知系店员唔记得摆定系卖晒，如果真系卖晒我觉得好有需要同顾客讲声，唔记