影片
更多
2012-06-07
540 浏览
买咗忠记嘅团购。地址系怡和街, 但系入口位处街内嘅小巷, 兼且系楼上舖, 真不容易找, 店嘅面积不算大, 座位比较窄。见到门旁嘅黑白照片, 先知道忠记原来系老店, 眼见不少老店, 如果唔系执咗笠, 就系变成楼上舖 (近期另一例子系 "南亚"), 可想而知疯狂加舖租嘅杀伤力, 真系好大。香港面积衹得 1,100 sq km, 去年竟然有 4千万游客, 咁嘅比例可能系世界第一, 结果名店抢住租地舖, 租金就火箭咁升, d 老店就非死则伤, 得益嘅系地产大亨, 我哋 d 小市民就系受害者, 无论买嘢、食嘢都贵晒, 仲要忍受地铁越尼越迫呀; 有时搭车俾 d 国内游客推呀; 有时打尖呀; 有时隋地掉垃圾呀; 佢哋有时几条友企正路中心, 塞住条路, 阻住人行而全无感觉呀.....等等。 发完噜苏, 讲番食物。系一个二人餐, 先尼赤小豆,粉葛,瘦肉汤, 个汤够热, 盎内见到汤料, 真系真材实料, 汤料都食得津津有味! 跟住系海南鸡饭, 鸡好滑, 唔肥, 鸡皮连住少少脂肪, 份量亦足, 最正嘅系已经去骨, 真正啖啖肉, 忠记唔怕去骨工夫多, 实在抵赞!小菜选了蜜桃生炒骨。火侯控制得好, 生炒骨够脆,
香港面积衹得 1,100 sq km, 去年竟然有 4千万游客, 咁嘅比例可能系世界第一, 结果名店抢住租地舖, 租金就火箭咁升, d 老店就非死则伤, 得益嘅系地产大亨, 我哋 d 小市民就系受害者, 无论买嘢、食嘢都贵晒, 仲要忍受地铁越尼越迫呀; 有时搭车俾 d 国内游客推呀; 有时打尖呀; 有时隋地掉垃圾呀; 佢哋有时几条友企正路中心, 塞住条路, 阻住人行而全无感觉呀.....等等。
发完噜苏, 讲番食物。系一个二人餐, 先尼赤小豆,粉葛,瘦肉汤, 个汤够热, 盎内见到汤料, 真系真材实料, 汤料都食得津津有味! 跟住系海南鸡饭, 鸡好滑, 唔肥, 鸡皮连住少少脂肪, 份量亦足, 最正嘅系已经去骨, 真正啖啖肉, 忠记唔怕去骨工夫多, 实在抵赞!
小菜选了蜜桃生炒骨。火侯控制得好, 生炒骨够脆, 甜酸味道适中, 蜜桃唔系淋晒嘅, 唔似罐头货。最后甜品系姜汁汤圆, 姜味不浓, 但麻蓉汤丸好味。我谂茶餐厅尼讲, 用汤圆做套餐甜品嘅, 全港可能祇得忠记一间。
服务方面亦唔错, 有位中年人兄 (可能系老板) 几有幽默感, 会同 d 客讲吓笑!
结论 : 忠记唔怕工夫多, 真材实料, 好味道!
张贴