雪山冰廳

营业中

休息中

星期日约咗朋友食早餐再去行嘉顿山，点知起身已经12点！朋友体谅我近排返工忙，只系话12点仲边度有早餐食！原来佢地唔知深水埗雪山冰厅，逢假日早餐食到下午2点钟。朋友叫咗传统嘅沙嗲牛肉面，沙爹酱比一般浓味，牛肉索晒沙嗲味，味道浓郁，面底煮得啱啱好，唔会太硬或太腍。早餐另外配塔香葱碎牛肉炒蛋三文治，蛋够滑，香葱配上碎牛嘅味道异常突出，再加上脆卜卜嘅烘底，真系perfect！我就叫咗蕃茄浓汤鲜牛肉通粉，汤色够红，饮啖汤就更加知用咗好多蕃茄肴汤，好开胃，而牛肉份量唔少。早餐另外配塔樱花虾炒蛋配鲜奶多士，蛋汁爆多，相当嫩滑！而樱花虾令到成个炒蛋嘅味道更有层次！带有牛奶香嘅厚多士烘得酥脆，相当好味。