樂天經典 (奧海城二期)

营业中

休息中

同爸爸妈妈食饭，一般都系会配合番佢地嘅口味拣番粤菜。今次去左呢间位于粤海城嘅乐天经典，价钱合理之余味道仲一流非常值得推荐呀😁我地大概7点左右到，已经劲多人食紧饭，好彩有book定枱。餐厅食物选择相当丰富，我地第一次食，就主要拣左啲厨师推荐嘅菜式。黄金焗蟹见餐厅好似推紧期间限定嘅蟹，我地就拣左其中一款黎试。近排好流行咸蛋黄口味嘅菜式，我地就拣左黄金焗蟹。只蟹都想当大只，黎远已经闻到阵蛋黄香。师傅细心咁将蟹壳剪开，等我地可以易啲食到入面嘅肉。咸蛋黄非常惹味，配合埋鲜甜嘅蟹肉食相当出色。呢个虾枣亦都相当唔错，外层炸到脆卟卟嘅金黄色，咬入口有猪肉粹同虾，好似食紧点心咁。呢个猪手超好食!!!钟意食猪手嘅人千其唔好错过。猪手炆得非常淰，亦非常入味，外层嘅猪皮入口即溶，送饭简直系一流。樱花虾炒四季豆亦系我嘅至爱，四季豆被炒得相当有锅气，再加埋好香嘅炸蒜同充满鲜味嘅樱花虾，令人食都停唔到口。最后呢杯接骨木蜜瓜茶亦都相当唔错，饮落酸酸甜甜咁，解渴之余亦非常清新。