金山海鮮酒家

营业中

休息中

约咗几个老友喺佐敦食晚饭，订咗枱喺庄士弥敦广场嘅金山海鲜酒家食怀旧菜。订咗七点，不过6:30上到去都俾到枱我哋。先嚟半只烧鹅，腌得好入味，不过略嫌鹅皮唔够脆，同埋冇蜡烛热住佢，食到后半段有少少冻咗。跟住叫咗碟炸大肠，唔使花巧，洗干净同炸脆佢就上碟，脆卜卜，正！ 老友介绍焗鱼肠，我觉得中上水准，上面鸡蛋香脆，下面啲鱼肠好足料，落咗少少胡椒粉辟腥，有埋芫荽就冇得顶啦。再嚟几碟小菜，小炒王、蒸肉饼同埋啫啫鸡杂煲都非常有水准，味道唔会太浓，攞嚟送酒同埋送饭都系一流嘅配搭。埋单前仲送咗碟炸蛋散，都几松化，糖酱又唔系太甜，卒之又食哂。其实呢座大厦都有好多各类型嘅食肆，可以逐一去品尝。