雪山冰廳

营业中

休息中

經典嘅港式冰室一向既抵食又有吸引力，今日去咗深水埗雪山冰廳❄️，食咗好多港式風味呀，人均唔洗$100已經好飽呀🔹️避風塘炸蒜雞脾🍗即叫即炸，外皮好脆呀金黃色，入面肉質好嫰，好有港式風味。🔹️椒鹽豬扒飯🧂🐖🍚椒鹽豬扒好嫰好惹味，好有驚喜，炒飯底好有鑊氣，好特別呀。🔹️常餐：沙嗲牛肉米粉+火腿炒蛋+酥皮窩夫+奶茶常餐真係好抵食，沙嗲牛肉好淋👍，隨餐附近熱飲，叫咗奶茶，冰室奶茶真係正過出面好多呀。🔹️榛子醬🌰西多士🍞金黃色嘅西多士好有蛋香，切開係超足餡嘅流心榛子醬，令人滿意。