The Butchers Club (華蘭路) (已結業)

環境暗暗的，有高枱有普通高度嘅枱，外面有一張食煙枱。經典牛堡：啲牛肉仲見到小粒小粒，有牛味，煎到微香，食完都無罪疚感。我試咗個有鵝肝嘅，我知道殘忍，見到真係想試嘛，一般啦，下次唔會點架嘞。個包都稍為煎過，而唔太油太乾。其他蕃茄呀果啲都新鮮。薯條我唔知係唔係鴨油果隻，跟餐加錢… 我估唔係。無論如何啦，夠熱，唔硬，我已經比及格，對我嚟講，最緊要啲茄汁好味。就咁睇價錢，會覺得呢個經典牛堡好貴，但性價比其實好 OK 。