香積廚素食 (已結業)

呢间食店间中也有帮衬，只做中午自助餐，好抵食！原来10月份开始已经做埋晚饭啦！由于系街坊生意，所以餐牌简简单单。我地首先问问老板娘今日有乜嘢正菜，她就随意讲几个，大家无问题就落单。素食都系想令生活简单，所以都无乜所谓。这里主要食套餐，叫一个𩠌（通常$35 - $45左右），就可以跟汤、粥、饭、糖水。除左碟𩠌，其它都系任食、任添架。我地叫左两个，分别系蜜豆炒鸡柳及金菇炆腐皮的套餐。蜜豆炒鸡柳：鸡柳好有质感，加埋鲜甜既蜜豆，味道刚刚好。金菇炆腐皮：热辣辣，用煲仔上，冬天一定多D黎帮衬。好够味。今晚有西洋菜汤，材料除了西洋菜，还有花生、眉豆、黄豆、素肉等，西洋菜刚刚当灶，所以煲出来既汤都特别香，乜都未食就饮左两碗。任食架嘛！今晚糖水系番薯，一般好味，唔系太甜，OK既。晚饭餐牌好简单，原来还有小吃，下次可以试试。价廉物美就系呢度既特色。老板娘系佛教徒，所以开食店为众生结缘。坐得舒服，吃得开心，也别无他想。