棠記茶餐廳

营业中

休息中

南丫岛海鲜太贵，作为学生仔负担不起亦都无咁大兴趣，同frd嚟爬山，从榕树湾行到索罟湾一路食豆腐花同茶果、钵仔糕D嘢过来，所以都唔系好饿。就是但揾间便少少嘅茶餐厅食少少嘢。我要嘅系招牌炒饭，35HKD，同frd个鸡柳炒乌东同个价钱。上菜速度还是比较快嘅，而且睇落都唔错，分量好足。炒饭加佐火腿肉同埋叉烧肉嚟炒，葱花亦都唔少，所以成个饭都好香。不过美中不足嘅就系油佐D，成个碟底都好多油，其实落少D油干身少少应该都好好食ga~个frd话乌东都好好食，鸡柳整得几滑嘅，不过都系油太多。环境嘅话就好唔错，唔会好似其他酒家咁迫，都几干净，而且我哋到嘅时候唔系好多人，就坐在靠海嘅位置，吹海风食嘢真嘅好享受！