華苑酒家 (已結業)

突然天气转凉，得返十度，咁嘅天气梗系要打边炉，一家人黎到华苑酒家，平日$138一位，假日就$158，全包价真系好抵㖞。啲枱都几濶落，好坐。酱料柜，有辣辣，葱，芫荽，生蒜等，感觉几卫生。整返个混酱先饮品自助，有汽水，啤酒等。汤底有十款左右选择，全部免费不用额外加钱，拣左醉鸡汤底，哗，鸡件几靓㖞。汤底好香药材味，又好有酒香，好得，饮左几啖正呀。自助区有蔬菜，午餐肉，芝士肠，饺子等，款式虽然不算多，但refill得很快。落单区食物，手打丸好正，爽口弹牙。其余不过不失，点几多黎几多。肥牛都几靓吖炸鱼皮，响铃卷都系自助拎嘅，细细块方便食。竹笙同鲜淮山太正了，大量encore。天气冻打边炉特别正，好味道食饱饱，好过自己又洗又切啦。全店爆场好生意，店员忙得不可开交，但态度都仲好好，又加汤又收碟，睇见都辛苦。