台灣郎

营业中

休息中

星期日，同阿妈去咗上环行海味街，由上环𠮶边开始行到西营盘，阿妈有收获，但我哋行到尾想回程先发现原来已经两点几我哋仲未食嘢，喺呢个住宅区，细细间嘅食店其实为数唔少，见到呢间主打台式食物的门面唔错，贪佢坐得舒服，又有位可以容纳我哋一袋二袋嘅战利品。先点饮品，洛神花茶和水蜜桃乳酸爆珠，可以话系一个系传统，一个属于创新，虽然唔系第一次食爆珠，但二十蚊有爆珠绝对抵饮。再来台南鲁肉饭，$35好抵食，有半只蛋，睇落碗仔唔大但装到满满咁，大量嘅肉碎舖满喺饭面，好满足，天气冻咗系要有啖饭落肚嘅。台湾郎蚵仔面线都系我必点嘅台式美食，超开心，因为颇大碗，造法都几正宗，蚵仔大大粒，仲有煮得啱啱好嘅猪大肠，加埋香菜，大爱。估唔到喺西区呢个改革咗嘅社区会有咁高水准的台式食店，除咗好似我呢类嘅游客，仲见到有唔少街坊帮衬。