意日菜 (已結業)

同朋友系旺角即场揾既午市餐厅，未睇Openrice前就入左去，其实食落都唔差。一分钱一分货啦！个人觉得可以再食多次👍坐低叫完野食睇Openrice先知有咁多负评都真系有d惊，但其实都唔差😁我叫左个招牌焗芝士薯蓉肉酱千层面，初初睇其他人讲薯蓉好多，千层面又冇味只靠肉酱吊味，都惊自己中伏。但一上枱之后其实好香薯蓉味，如图都焗到好靓，至少唔系一pat放落去😀比例都Ok，女仔份量有点多（加上有汤有野饮）食左6成已经饱了。下次会再叫👍另外叫左个吉列猪扒拼照烧鸡扒大碗饭，卖相唔错，话食落都冇其他差评讲到咁差（但差评话猪排冇猪排味㖞），食得过。不过下次未必再拣翻呢个啦。另外套餐仲有汤同饮品。汤叫左忌廉汤，系咸左少少，同冇乜粟米，但饮得落肚既。饮品就叫左芒果红茶同蜜桃绿茶，其实同平时系专门店冇乜分别，几好饮❤我地入黎系12:45到，个时人唔多仲有空位，到13:45走既时候就每场枱都有2-3个人。全场得一个侍应生，态度唔差系少出声。野食上碟速度快，亦到够热，放左系度十几分钟都仲系热👍间舖暗得黎舒服，价钱又合理，至少系旺角呢头都好难揾到咁既价钱仲有汤同饮品。