渣華茶冰廳

营业中

休息中

因为时不时去北角𠮶头做嘢，所以有时就喺𠮶头食埋lunch，而渣华冰室系会经常帮衬既一间。午餐时间约12点9左右去到经常都会有大概十几人既队排住，但好彩条队尚算去得快，大约10至15分钟入得。渣华冰室都系一般茶仔咁有大menu，基本茶仔食物都有，而门口亦有当日午餐餐牌，大约有8至10个餐咁。今日餐牌有招牌既沙嗲牛一丁同蛋牛治(有时蛋牛治系由炸脾沙律代替)，都系$55送嘢饮。另外，冬天有枝竹羊腩饭$70，咖喱羊腩饭就贵少少$75。我同同事分别叫咗个沙嗲牛一丁配蛋牛治同枝竹羊腩饭。沙嗲牛丁系俾埋包麻油，沙嗲汁都多，牛肉都够软。另外蛋牛治唔系𠮶种薄薄一层涵𠮶种，系个蛋牛塞满个包入面𠮶种，蛋同牛肉炒得几嫩，蛋仲有啲蛋汁，生熟控制得啱啱好。个枝竹羊腩饭啲羊就煮得够冧，而且份量几多。通常其他餐厅都系俾得三几粒，而哩度系成碟几满咁。除咗羊腩，哩间茶仔啲午餐多数$50至$55，喺北角啲餐厅嚟讲都算几平，而且冻饮唔驶加钱。咁经济实惠，所以咁多人排队。