意歐

营业中

休息中

今日同女朋友出旺角睇戏，谂住揾啲野食下，咁岩行过间店，就走去试下，又估唔到几好食下。入到餐厅都无乜位，咁啱有对情侣起身，就同女朋友坐底啦。睇下餐牌先知，原来间餐厅出名食薯蓉，咁就胆粗粗叫一个墨西哥辣肉酱味同女朋友试下好无味啦，另外自己叫佐个芝士焗杂菌香草包三文治配疯薯，女朋友就叫佐个黑松露忌廉汁野菌茄子天使面。估唔到第一样野嚟嘅系薯蓉，就同女朋友一齐食，啲肉酱略嫌多佐啲，但个薯蓉本身焗得几好味，配辣汁算唔错，但估唔到有啲豆系度，个人嚟讲唔系好钟意。第二样到嘅系三文治配薯条，啲薯条都好大条下，三文治味都唔错，但可惜个包干佐啲。到女朋友个天使面到啦，汁就多啦，味道都唔错，但个量就少佐啲，女朋友食啱啱好，我如果比我食嘅话就唔系好够喉啦。整体嚟讲味道都系一般以上嘅，算系好食，而且依个价钱嚟讲都好OK下，系旺角无野食都值得试下。