常滿百家菜

营业中

休息中

如果唔奢求好高质素同平平稳稳又一餐，呢个系一个好嘅选择。装修同环境就一般，感觉上就系屋村酒楼格局。食物类型又唔系特别多，但系都够食。首先先讲点心，全部都大大件又热辣辣。任食点心有齐虾饺烧卖，无限量供应，总之你食到就任你食，即叫即蒸果款。小笼包有惊喜，皮薄多汁。因为一般酒楼啲小笼包嘅皮都系又厚又干，呢间又薄又多汁收货啦。我个人会比较喜欢小笼包多于虾饺烧卖。呢度啲炸物点心都唔差㗎。建议浅尝叫点心一件起两件止就好了，因为真系好大件㗎。至于边炉，汤底正常，食物都正常。肥牛唔系得肥膏无瘦肉果啲平价肥牛，叫咗几次啲牛都系差不多样。当然唔系话超级好好食，不过以呢个价钱都收货了。仲有啲海中虾，食得出系新鲜货，同行朋友都叫咗几次。假期收费$188蚊再加一，$206.8可以任食任饮点心同火锅，都无乜好投诉，啱晒大胃王去食。