熊小館

营业中

休息中

早年来食过几好食，西餐来说经济化算，二人餐都几抵食。餐厅有好多熊公仔可以相伴留倩影，打卡都唔错～白酒忌廉煮蓝青口 $68蓝青口差唔多有两打，肉比较细粒味道就好鲜美，个汁好cream好香酒味。二人套餐 $298套餐：罗宋汤配法包汤料十足味道浓郁，酸酸地微辣，好啱冻天气饮，配以牛油法包perfect。套餐：法式香草牛油焗田螺用铁板上热住食几好，螺肉口感弹牙味道鲜美，薯蓉软滑，捞点酱汁味道唔错。套餐：卡邦尼烟肉扁意粉扁意粉口感韧烟弹牙，芝士味浓好挂汁，食落好creamy好美味，仲有好多烟肉碎和蘑菇配料，意粉份量十足食得非常满足。套餐：铁板肉眼扒肉眼扒相当大块，七成熟肉质软腍，充满肉汁，淋上黑椒汁惹味。仲有粗薯条、烟肉、长豆角、栗米粒和车厘茄，配料十足，食完几饱肚。套餐：饮品叫左两杯阿华田，一冻一热味道正常。