影片
更多
2009-07-04
16 浏览
㖊晚同老公去左大美笃揾野食, 行过呢间餐厅门口, 有位四眼阿婵走出黎, 热情地同我地打招呼又叫我地入去试下. 我地见餐牌价钱唔系贵, 就抱住一试无妨嘅心态跟左佢入去.环境当然系一般啦. 一坐低佢地就送上一碟酸青瓜萝卜, 下…呢度唔系食西餐嘅咩, 点解比碟咁嘅野黎, 有点儿奇怪 (有下文). 佢地有个T骨牛排餐配龙虾汤买$108….价钱几吸引㖞, 但我想食羊排, 老公又唔钟意食 T骨, 所以就冇叫到. 最后我地叫左一个 银雪鱼羊架, 老公要左个 肉眼扒, 这些套餐本身都有餐汤, 但唔系龙虾汤, 跟住阿婵就话餐汤可以转做龙虾汤.第一度菜系三文鱼沙律, 大致上都OK新鲜, 只系sauce 少左啲, 唔系好够味. 跟住上龙虾汤, 味道唔错, 但冇面包配, 实在有点失色; 跟住主菜上枱, 肉眼扒嘅肉质及味道都几好; 但银雪鱼就唔得啦…冇味嘅, 羊扒亦只属一般; 最奇怪系两个餐都无问我地要咩野汁, 结果出菜时就2 个餐都系用同一个 sauce啰. 最后个甜品都算奇特…山水豆腐花. 老板系想做到首尾呼应呀? 还是日间的甜品卖唔晒就唔好嘥呢? 再加上成晚播D陈年粤语流行曲既音乐, 总之
环境当然系一般啦. 一坐低佢地就送上一碟酸青瓜萝卜, 下…呢度唔系食西餐嘅咩, 点解比碟咁嘅野黎, 有点儿奇怪 (有下文). 佢地有个T骨牛排餐配龙虾汤买$108….价钱几吸引㖞, 但我想食羊排, 老公又唔钟意食 T骨, 所以就冇叫到. 最后我地叫左一个 银雪鱼羊架, 老公要左个 肉眼扒, 这些套餐本身都有餐汤, 但唔系龙虾汤, 跟住阿婵就话餐汤可以转做龙虾汤.
第一度菜系三文鱼沙律, 大致上都OK新鲜, 只系sauce 少左啲, 唔系好够味. 跟住上龙虾汤, 味道唔错, 但冇面包配, 实在有点失色; 跟住主菜上枱, 肉眼扒嘅肉质及味道都几好; 但银雪鱼就唔得啦…冇味嘅, 羊扒亦只属一般; 最奇怪系两个餐都无问我地要咩野汁, 结果出菜时就2 个餐都系用同一个 sauce啰. 最后个甜品都算奇特…山水豆腐花. 老板系想做到首尾呼应呀? 还是日间的甜品卖唔晒就唔好嘥呢? 再加上成晚播D陈年粤语流行曲既音乐, 总之成餐饭就唔中唔西.
到埋单啦…我老公比钱, 盛惠 $273. 我开头都冇留意, 后来谂谂下一个餐都系$108, 加一都计唔到 $273 啦, 叫个伙计比张单再睇清楚啰. 哗…原来转龙虾汤一个要加 $25, 两个就加 $50, 其实加钱唔系问题, 但阿婵帮我地落单转龙虾汤时提都冇提过, 就唔合理.
此外, 果碟酸青瓜萝卜又要收 $5. 简直不知所谓. 因为果碟野根本就唔应该在西餐厅出现.
虽然埋单总数都唔算好贵, 而且也无收加一. 但1个百靓蚊的套餐要加25蚊转个汤, 而且系侧侧膊甘收, 就始终讲唔通.
张贴