影片
更多
2023-12-04
766 浏览
由于之前openrice声称下列内容可能有法律责任，但本人基于食评内句句属实，并无虚言！特此再次出文，以警惕街坊！＃深水埗长沙湾街坊＃＃欢乐大排档＃真人真事：10月29号去晚饭埋单时，个女收银俾晚饭张单我睇系455元，于是我就用信用卡埋单，系不需要签名嘅，攞返信用卡收据冇睇得咁仔细就走左，到上左车至睇到张信用卡收据收左603元，于是即刻打返去问，个女收银听电话，我讲完俾佢听啱啱埋单收多左钱嘅事，佢竟然好冷淡咁话等阵，跟著叫左个男人听，我就由头讲多一次俾佢知收多左我钱嘅事，佢听完竟然话：收多左几十元唧！你自己都要有责任睇清楚张单架！我话而家都系我自己睇到你地收错钱所以打返黎架，收钱𠮶个系你地，你地冇责任净系得我有？仲有咩几十元呀！你地系收多百几元呀！如果我再黎帮衬，每次埋单要小心翼翼睇你有冇收多我钱咁牙烟，我仲敢黎咩？个男人仲要再话：收多左你百几元唧！咁你咪黎攞返咯！呢刻我真系着着地，餐厅收错钱唔系死罪，我都系埋完单走左唔够15分钟就打返黎问，但餐厅两个人听完电话，都冇讲过一句唔好意思，仲要将责任俾返我！到第二晚我上去攞钱，个女收银听到我话黎攞返寻晚收多左嘅钱，就咀藐藐扮听唔到，个男经理
＃深水埗长沙湾街坊＃
＃欢乐大排档＃
真人真事：
10月29号去晚饭埋单时，个女收银俾晚饭张单我睇系455元，于是我就用信用卡埋单，系不需要签名嘅，攞返信用卡收据冇睇得咁仔细就走左，到上左车至睇到张信用卡收据收左603元，于是即刻打返去问，个女收银听电话，我讲完俾佢听啱啱埋单收多左钱嘅事，佢竟然好冷淡咁话等阵，跟著叫左个男人听，我就由头讲多一次俾佢知收多左我钱嘅事，佢听完竟然话：收多左几十元唧！你自己都要有责任睇清楚张单架！
我话而家都系我自己睇到你地收错钱所以打返黎架，收钱𠮶个系你地，你地冇责任净系得我有？仲有咩几十元呀！你地系收多百几元呀！如果我再黎帮衬，每次埋单要小心翼翼睇你有冇收多我钱咁牙烟，我仲敢黎咩？
个男人仲要再话：收多左你百几元唧！咁你咪黎攞返咯！
呢刻我真系着着地，餐厅收错钱唔系死罪，我都系埋完单走左唔够15分钟就打返黎问，但餐厅两个人听完电话，都冇讲过一句唔好意思，仲要将责任俾返我！
到第二晚我上去攞钱，个女收银听到我话黎攞返寻晚收多左嘅钱，就咀藐藐扮听唔到，个男经理就叫佢喺收银机攞返收多左我嘅148元俾返我，跟著又问我姓乜叫我写落张单度，我话我净系黎攞返收多左我嘅钱，冇其他野要帮你！
写咁长篇系想同各位街坊讲：
冇谂到今时今日仲有人用呢啲技俩揾食，明码实价去做生意冇问题，如果个女收银同个经理唔系夹埋有心收错收多人钱，点解仲会咁理直气壮，由头到尾一句唔好意思道歉乜都冇，收错钱就完全系个客人冇睇清楚张单嘅问题？
仲有就系张饭单价钱＄455，但个收银打落去信用卡就收603？究竟系真系打错哂3个数目字定有人存心诈骗？
要再去帮衬嘅街坊就自己睇路啦！
＃埋单小心谨慎
＃对左食饭张单先
＃如果碌卡仲要再睇埋信用卡底单，因为好多时候都唔驶签名
＃最好对埋信用卡银行发出嘅讯息
＃去呢间餐厅帮衬俾啲耐性
＃唔好嫌嘥时间对哂所有单
咁就唔会好似我咁嘥时间要再上去问餐厅攞返原本属于我嘅钱啦😅
张贴