雲壽司 (聯成商業中心)

营业中

休息中

系朋友介绍之下，今次黎试依一间米芝连星级师傅班底制作既 云寿司 。如果只系路过，好可能会忽略佢唔系好大既舖面，本身都路过几次，但都冇吸引到我入去。入到去，座位唔多，空间有啲狭小，拎多少少野都坐唔到入去。如果热爱空间感，你一定会失望。相信唔少人都会比较佢同 立鮨 ，不过在我眼中系2个好唔同既存在，云寿司 主打食材原味道，而 立鮨 调味上就花较多心思，所以相对地 云寿司 选择就冇咁多喇。刺身不得不提系个入口充满层次感既帆立贝，除左鲜甜之外，入口一丝丝既咬感，真系本日之最。寿司方面，火炙既款式都恰到好处，唔会烧得过熟，但油脂感又出到黎。美中不足既地方系后加既厚岸蚝刺身，我见整体食材选取都有要求，所以身为生蚝爱好者就嗌黎食下，点知一入口只得一个感觉，就系腥！系令人有少少失望。整体而言，依个价钱食到依个质素算系合格，但如果打住米芝连班底旗号，相对期望值会较高。而我个人就较偏好多啲个人化调味，令我会更加有食完之后既印象。