客尚來

营业中

休息中

听讲朋友都好挂住大学住宿舍时，系西环附近餐厅食嘢嘅时光，我哋除夕特意约咗去个度食好嘢。呢间餐厅嘅客饭$54有小菜、白饭、豆浆一杯同例汤。都几多野可以食仲有大台，可以一围8个一齐食。由于我哋当早晚餐既关系，叫左好多野食： 有三鲜炒年糕、四川担担面、南翔小笼包（5只）、醉鸡客饭 （配例汤）、韮王炒鳝糊 、上海话梅骨、红油抄手（6只）、高力豆沙 、追加热豆浆。红油抄手有蒜香、新鲜既猪肉，好味。对于小笼包控黎讲，呢度既南翔小笼包，大大只又足料，好食。三鲜炒年糕 年糕同配菜味道都几夹㖞。韮王炒鳝糊 鳝糊都软滑好味，连韮王花菇炒味道够香。饮杯豆浆先啦！四川担担面抵食大份，够两个女仔食。味道正常发挥。高力豆沙松软又热热地嘅口感，豆沙甜度适中，令人一试难忘。