影片
更多
2014-03-09
17302 浏览
北角城市花园酒店嘅绿茵阁，唔喺第一次帮衬，不过，对上一次嚟已经喺2008年年尾嘅事，𠮶次喺为咗庆祝太太考试成功大擦一餐，𠮶时贪佢平，折咗都喺二百几蚊一位。不过，时隔5载，今非昔比，依家晌香港一啲旺区，食个自助晚餐，动辄都四、五百啦。虽然绿茵阁闲日星期一至四都要$418，不过，七折后加番一都喺三百几，计及种类、质素，仍然食得过，况且，Movenpick及Haagen-Dazs雪糕任食，好此道者大可临尾翻本啰！绿茵阁话大唔大，话细唔细，几年后再嚟，环境唔喺太大变化，不过，印象中多咗啲即煮专区，稍后慢慢再讲。今晚被安排餐厅最后近窗嘅位置，骚扰度细啲，虽然只有街景，但都令人感觉开扬舒服。而且，只有我两公婆，坐落张4人枱，非常松动。跟大多数自助餐比较，款式属中上，简单嚟讲，餐汤、面包篮、冷盘、沙律吧、芝士盘、冻海鲜、刺身、寿司、和式小食、烤肉、天妇罗、铁板烧、烧烤、热盘、汤面档、烧腊、粥品、甜品、生果、自助饮品吧，都一应俱全。老实讲，试就试唔得晒咁多嘢，但以观感嚟选择，经试过之后，个人认为餐汤、面包篮、芝士盘、刺身、烧肉、烧烤及甜品依几大类挺出色，值得稍加留意嘅类别。餐汤．面包篮．芝士盘大多数自
绿茵阁话大唔大，话细唔细，几年后再嚟，环境唔喺太大变化，不过，印象中多咗啲即煮专区，稍后慢慢再讲。今晚被安排餐厅最后近窗嘅位置，骚扰度细啲，虽然只有街景，但都令人感觉开扬舒服。而且，只有我两公婆，坐落张4人枱，非常松动。
跟大多数自助餐比较，款式属中上，简单嚟讲，餐汤、面包篮、冷盘、沙律吧、芝士盘、冻海鲜、刺身、寿司、和式小食、烤肉、天妇罗、铁板烧、烧烤、热盘、汤面档、烧腊、粥品、甜品、生果、自助饮品吧，都一应俱全。老实讲，试就试唔得晒咁多嘢，但以观感嚟选择，经试过之后，个人认为餐汤、面包篮、芝士盘、刺身、烧肉、烧烤及甜品依几大类挺出色，值得稍加留意嘅类别。餐汤．面包篮．芝士盘
大多数自助餐一向都有供应一款中汤，一款西汤，有啲仲会有埋炖汤。晌度炖汤就唔见有，不过，两款「例汤」都好出色。小弟中、西汤都啱，不过，食自助餐向来喜欢饮西汤多啲，因为可以配面包，加上有芝士盘供应，当然嚟个餐汤、芝士、面包嘅超强头盘组合；而老婆就中汤支持者，所以，互相黐饮少少，就可以试晒两款汤。
西汤喺南瓜忌廉汤，做得几柔滑，南瓜味亦都突出；而中汤喺瑶柱竹笙冬蓉羹，好足料，汤头清甜。面包一共有4款，都喺小个装，可用光波炉可以翻热，我就要咗1片黑麦及1个幼麦小圆包，属欧陆包，比较硬身烟韧。芝士亦有4款供应，包括法国金文毕（Camembert）、丹麦蓝纹芝士（blue cheese）、瑞士安达文（Emmental）及荷兰伊丹（Edam），唔好以为我咁叻识晒佢哋，都喺插晒名牌抄一次比大家知；由于本身都钟意食芝士，所以，4款芝士都试匀，当然蓝纹芝士够重口味，其实其余几款配面包，加点干果亦都好食。怕面包太饱肚，衬克力架都不俗。
冷盘．沙律吧冷盘、沙律吧分别摆晌3组食物柜之内，全部都冰镇住，等佢哋保持最佳状态。5款冷盘都喺啲沙乐美、冻肉肠、烟三文、烟鲛鱼，较有睇头就喺意式风干火腿，即喺巴马火腿，仲预备埋蜜瓜俾你配添。沙律吧配料唔多，一大盆杂沙律菜加几款配料，5款酱汁亦喺大路货色，以法式香草汁较为有啲特色；此外，另一边仲有4款预制好嘅沙律，都无咩特别，如青红苹果沙律、薯仔沙律……等。
都唔特别考虑，一于样样都加啲，DIY一份杂锦沙律配黑醋汁，用料不赖，亦都好丰富，作为「主菜」前醒醒味蕾嘅好朋友，又缓和番之前面包、芝士嘅滞腻。再加埋少少做得精致嘅「小食」，依部份头盘真喺令人食得开心。
冻海鲜虽则有5款供应，蓝青口、冻虾、雪花蟹脚、青口、翡翠螺，但比起有啲自助餐出埋龙虾、生蚝，显然就唔算得好有亮点，故此，拎海鲜嘅人都唔太多，至少，都未见过有人龙出现。虽然喺咁，点都要样样试啲，整体唔喺好高质，中中等等，喺冻虾较鲜甜好食。
牛油汁煎虎虾虽然冻海鲜唔喺好突出，不过一人附送一客嘅牛油汁煎虎虾，就滋味到极，虎虾硕大有睇头，煎得金香，肉质爽弹，最可惜只得一只，无得添食。
刺身．寿司．和式小食．冷面小弟本身都喜欢食刺身，不过，晌自助餐场合就反而少食，因为好多时都觉得啲种类及质素都麻麻，相反，遇有特别，又或睇落有质素，就当然要一试啦。绿茵阁嘅刺身有带子、八爪鱼、立鱼、吞拿鱼及三文鱼，目标其实只喺前三者，不过都索性一次过要晒。带子果真好食，又大粒，又鲜味；而八爪鱼亦唔错，柔韧爽甜；不过，好多自助餐对待鱼生都有个通病，唔知喺咪怕啲客嘈佢，硬喺要「厚切」卖大包，我觉得太厚会影响入口个口感啰！
此外，仲有多款寿司、饭卷、的骰嘅和式小食、冷面，虽然无试，但观乎卖相，以及所试过嘅刺身，感觉质素应该不俗。
烤肉．铁板烧．烧烤依部份真喺重点推介，烤肉有迷迭香烧羊脾及烧西冷，配菜喺香草烧薯仔；铁板烧有带子、大虾仁、蛏子……等等，而烧烤有多款串烧，例如和牛粒、大虾、日式鸡肉肠，仲有扇贝、羊扒、三文鱼头，
真喺无论烤焗、煎烧，抑或烧烤，都各有特色，再者，单睇上述介绍嘅食材，相信好有吸引力吧！
因为都食近尾声，又要留肚杀个甜品片甲不留，所以都唔太敢拎太多肉类，只有拣款款同老婆一齐试试。羊脾同羊扒烧得香，又带点膻，个人觉得正；烧西冷亦都唔错，肉味浓，又唔韧；扇贝未有期望中咁好食，烧得有点干；烧菠萝就一向喺最钟意嘅烧生果嚟。
另外，酱汁之多，实在不得不提。一共9款酱汁：牛油汁、蜜糖汁、日式烧汁、烧烤汁、泰国辣汁、冬荫公汁、薄荷汁、蒙古汁、沙嗲汁。其实食串烧时加又有，食粉面时落又有，你想点配就点配。
天妇罗．热盘．汤面档．烧腊．粥品依几款喺完全无试到嘅类别，所以都唔多讲，只喺摆番几张相等大家有个参考啫。
甜品甜品分开几个位置摆，有中有西，阵容称得上几鼎盛，实在无可能试晒，之但喺，一早已经「心有所属」，早早已确立好目标。
第一份先试试一啲冻饼及小杯装甜品，不过，都只喺拣几款「见好就收」嘅款式，尤其朱古力类，因为老婆啱食啲，佢好少会拎甜品，唔喺唔钟意食，只喺唔食得多，黐我嘅就可以样样一啖，试到多啲。两款朱古力蛋糕够浓郁香滑、朱古力慕丝幼滑细腻、意大利芝士饼淡淡芝士，细滑柔绵，个人都好满意。
第二份就绝地进击，生果班戟配5球Mövenpick雪糕。晌近入口位置，放置咗成部瑞士Mövenpick雪糕车，比起之前嚟嘅雀巢加Haagen Dazs，绝对升咗几级。14款Mövenpick雪糕绝对喺亮点，佢咃嘅雪糕卖点喺100% 纯天然制作，又无加入人造色素、添加剂等等。抄低晒14款味道，分别喺瑞士朱古力、特浓咖啡、榛子、乳酪、枫糖合桃、意大利芝士蛋糕、焦糖、意大利奶冻、青柠柠檬雪葩、意式碎朱古力、香焦肉、冧酒提子、覆盆子雪葩、热情果芒果雪葩。挑咗3款雪糕、2款雪葩：榛子雪糕、枫糖合桃雪糕、焦糖雪糕、青柠柠檬雪葩、热情果芒果雪葩，雪糕口感香浓柔滑，雪葩清爽酸香，令人回味，食罢依份雪糕生果班戟，岂会唔满足呀！
自助饮品吧饮品选项亦喺全自助，任斟任饮，有即磨咖啡机，又有红茶、罐装百事、七喜及狮威啤酒、鲜橙汁，此外，仲有几款特饮添。
今晚，再次尽兴而回，感觉真多！食自助餐确实属于高消费餐饮项目，但偶尔一次嚟「搏命」，真喺可以舒缓工作带嚟嘅紧张及压力吧。
张贴
