A-1 Bakery & Châteraisé (已結業)

有一日我约咗两个朋友去打保龄球点知朋友a就以为上佢屋企就唔会打保龄球， 但系朋友b就以为上完佢屋企再去打保龄球。我就觉得上朋友a屋企呢就有啲无聊因为我住附近， 咁就谂住朋友b去完a度 就可以同我去打保龄球。点知朋友b去到就提议不如唔好打保龄 就咁去朋友a屋企玩下纸牌游戏。 我心谂你系咪玩嘢呀， 约好咗而家放我飞机 仲搞到我冇得打保龄球，你过唔过份啲呀。B去完a屋企之后，同我去打保龄球跟住就同我讲原来朋友a预备咗一个小小嘅生日蛋糕补祝我同朋友b嘅生日。最后朋友a带埋个蛋糕过嚟揾我哋， 我哋又揾唔到地方砌， 又话唔想行返上朋友a屋企砌。事关我哋晚上去旺角食饭，于事去咗新世纪广场嘅 food court砌。个蛋糕的而且确系好细件我哋三个人share， 我唔使十秒就食完啦。但呢个蛋糕争啲搞到我冇得打保龄球，而且又要频扑喺边度食，就像魔鬼在细节般的条款缠绕你。我未食过一件制造咁多麻烦嘅蛋糕，我都唔知点多谢佢好。个蛋糕系好似绿茶红豆， 味道ok口感松软好有弹力好似纸包蛋糕咁。 但奉劝各位年纪大嘅读者 唔好为咗制造咩生日惊喜，而隐瞒准备咗蛋糕。 因为当中嘅蝴蝶效应实在难以想像！