潮州合成甜品

营业中

休息中

上次食完碗马蹄沙汤圆非常非常满意，当然会再返黎啦～ 一坐低望下餐牌，向事头打听下有冇清心丸先。。。又冇货。。。冇所谓，咪下次啰 睇咗一阵餐牌，都唔知食咩好，好彩冇咩客人，拣多阵，最后决定要碗【绿豆沙汤圆】啦～即叫即到当然～两样都系事先准备好的。其实我都系实在想唔到食乜我先叫哩碗糖水，我知道马蹄沙好食，但上次食过，想试其他野，坐到自己都唔耐烦就就咗佢了。一黎我对哩间铺嘅出品有信心，二黎我觉得越简单嘅野越考技术，哩间系老店，所以虽然我叫嘅糖水咁传统，但其实我系满心期待的～试试绿豆沙先，嗯，煲得够烂，但依然保持原粒状态，亦好香，甜味啱啱好，一啲都冇太甜，唔错 汤圆系潮式嘅厚皮麻蓉汤圆，就好似潮洲男人咁，系有啲粗矿，但够稳，有责任心。哩粒汤圆亦一样，皮厚厚的够稳够实在，内里嘅芝麻馅炒得够香，但一啲都冇焦，味道唔错，几有意思的～但一般香港新一代都好似比较中意皮薄馅靓的简单得黎整体味道亦唔错，但出得黎食野总系想食到啲特别啲嘅食物，下次再黎试试