影片
更多
2023-04-07
1419 浏览
同朋友食饭，好怕时限短既餐厅，大家食下倾下好快就够钟，搅到成件事好赶咁。而呢间胡同，同朋友食左好几次，次次坐足成晚都无被赶走。今次Book 7:00晚饭，门口侍应话9:00交枱，不过我地倾下食下坐到11:00都无被赶走😛 。餐厅系中式布置，枱与枱之间有一定距离，每个坐位都好阔落，并放有cushion，很舒服。餐厅楼底高，有空间感，三边被全落地玻璃包围，饱览维港景色，夜晚可以睇住幻彩咏香港𩠌饭。餐厅晚上将灯光调较得极之昏暗，所有光源只集中每张枱既中心，为𩠌菜拍照系好靓既，但枱以外既其他位置影相都好难影相。好喇，到戏肉！同朋友叫左10𩠌既set，另加半只片皮鸭。晚餐 1-10 款 - HKD 980:1. 松露鲍鱼😋😋😋😋😋》呢个𩠌系冻食，鲍鱼约半只女仔手掌大小，店家很细心地将鲍鱼分成三小件，唔洗舞刀动叉，一口一件，十分贴心。鲍鱼质感软腍易咬，味道鲜甜，食时渗出松露既香气，好味！2. 鱼籽煎鹅肝熏蛋😋😋😋😋😋》呢个𩠌都系冻食，熏蛋既流心做得好靓！先咬一小口熏蛋试下味先，咦？个熏蛋既味道好淡，少许熏香，但唔觉有额外调味…有点失望之际，再咬多一大口，将蛋，鱼籽，连鹅肝一齐咬，Oh? 整个味道逆
餐厅系中式布置，枱与枱之间有一定距离，每个坐位都好阔落，并放有cushion，很舒服。餐厅楼底高，有空间感，三边被全落地玻璃包围，饱览维港景色，夜晚可以睇住幻彩咏香港𩠌饭。餐厅晚上将灯光调较得极之昏暗，所有光源只集中每张枱既中心，为𩠌菜拍照系好靓既，但枱以外既其他位置影相都好难影相。
好喇，到戏肉！
同朋友叫左10𩠌既set，另加半只片皮鸭。
晚餐 1-10 款 - HKD 980:
1. 松露鲍鱼
😋😋😋😋😋
》呢个𩠌系冻食，鲍鱼约半只女仔手掌大小，店家很细心地将鲍鱼分成三小件，唔洗舞刀动叉，一口一件，十分贴心。鲍鱼质感软腍易咬，味道鲜甜，食时渗出松露既香气，好味！
松露鲍鱼
35 浏览
1 赞好
0 留言
2. 鱼籽煎鹅肝熏蛋
😋😋😋😋😋
》呢个𩠌都系冻食，熏蛋既流心做得好靓！先咬一小口熏蛋试下味先，咦？个熏蛋既味道好淡，少许熏香，但唔觉有额外调味…有点失望之际，再咬多一大口，将蛋，鱼籽，连鹅肝一齐咬，Oh? 整个味道逆转左！
流心蛋竟将鱼籽同鹅肝两样浓味既食材混合并中和，蛋汁混合埋鱼籽既咸鲜，再搭上脆脆地加上丰厚油香既煎鹅肝，令食材既味道升华同互补，配搭很妙。
鱼籽煎鹅肝熏蛋
77 浏览
2 赞好
0 留言
3. 酸辣金汤包
😋😋😋😋
》呢个其实系包著酸辣汤汁既小笼包。汤包正常尺寸，表皮厚薄适中，内馅既肉同汤既比例各占半。汤汁带点麻辣，每口都带浓浓肉香。
入口先食到肉汁既香甜，隔一阵，麻味就由舌头慢慢渗出。我平时唔食辣野，觉得辣味很易将食物本身味道遮盖，但系呢个汤包既麻辣我系觉得好食既，一D都无遮盖食物既原味，反而丰富左个味道，Good👍🏻
4. 紫椰菜乳香莲藕饺
😋😋😋
》呢个蒸饺系烧卖既大细，同金汤包一齐上枱，皮薄，内馅用左爽口既根茎类瓜菜切粒同埋菇粒，食落爽口，味道可以。
酸辣金汤包 & 紫椰菜乳香莲藕饺
67 浏览
0 赞好
0 留言
5. 鱼香虎虾
😋😋😋😋😋
》呢味𩠌上碟时，就得一只开左两边既虎虾，没多余既装饰伴碟，虎虾既尺寸系接近3/4女仔手掌既长度，唔算很大只，虎虾煎到超香，虾味很浓很鲜。虾肉既纤维幼细，肉质幼滑弹牙。呢个虾既酱汁都挂晒o系虾肉上，入口鲜味到顶点…..好正！
鱼香虎虾
78 浏览
0 赞好
0 留言
6. 青花椒鳕鱼
😋😋😋😋😋
》平时好少食鱼，因极怕鱼腥味，但呢碟鳕鱼真系好吸引，块鱼肉系超级雪白，整碟鱼肉上枱时雪白到好似发光咁，原块肉系完美到揾唔到半丝微血管或鱼皮黏连著。
块鳕鱼扒系 掌心大既尺寸，食一口，不得了！筷子夹落都feel到软软嫩嫩既质感，食落肉质果然细嫩油滑，味道亦一如所料既鲜甜，而鲜甜过后，又慢慢渗出很轻既麻感，d麻感系来自表面既辣椒同埋青花椒，麻感并没有将鱼既鲜甜盖过，反而系丰富左个味道，very good.
青花椒鳕鱼
133 浏览
0 赞好
0 留言
7. 清炒芥兰苗
😋😋😋
》芥兰苗很鲜嫩。虽之系清炒，不过味道一d都唔清，系几浓味 同 重油 既，一贯川菜既特色。
清炒芥兰苗
72 浏览
0 赞好
0 留言
8. 茴香鸡粒蛋炒饭
😋😋😋😋😋
》 呢碗炒饭系全部菜入面最辣既一碟，炒饭粒粒分明，软硬适中，食落系带辛辣，而佢既辣同其他𩠌既麻辣又有d唔同，个味道好香好吸引。
佢既辣系带点香草味，辣既程度比其他𩠌高一点，我食一口，就要饮一啖野，加食一口鱼，中和返个辣先顶得顺。但我都系好钟意呢个饭，好味程度令我呢个怕辣既人都啪晒成碗。
茴香鸡粒蛋炒饭
99 浏览
0 赞好
0 留言
9. 椰汁石榴糕
😋😋😋😋
》个糕点好靓，有三层明显既分层，最顶层系呈云石图案，食落质感系爽口既，好似冻马荳糕呢d质感咁上下。个糕既味道清甜，每口都有清香既石榴味，虽然个糕名有椰汁二字，但唔系好食得出椰汁味，可能石榴味本身真系太浓，所以盖过左椰汁味。 Anyway, 个糕系几好食，清甜带石榴香，食完咁多浓味𩠌同辣嘢之后食佢，就有一种解渴同清爽感啦，很好。
椰油石榴糕
60 浏览
0 赞好
0 留言
10. 龙井奶冻
😋😋😋
》呢个奶冻唔太甜，带超级香浓既奶味，一路食就觉得好似饮紧全脂奶咁。而佢个名虽然有龙井，但其实唔系好食得出茶味。所以味道讲唔上特别，因为同其他地方食到既奶冻差唔多味，不过，食完辣嘢之后食佢，用佢来Balance返刚才既刺激，系ok既。
龙井奶冻
74 浏览
0 赞好
0 留言
11. 另加 : 胡同片皮鸭 一碟 - HKD 398
😋😋😋😋😋
》呢碟片皮鸭好好味，而且差唔多枱枱都会叫，个鸭除左好食，仲有得即席睇师傅喺你格离烤鸭，然后即时片埋皮，上菜！
片皮鸭既皮烤到色泽光亮，片片都胀胀卜卜，师傅将每块都片到肉，脂，皮十分均匀，鸭既味道非常香浓，肉感软腍，一d都唔柴，每次去胡同食饭都必定会叫。
胡同片皮鸭
202 浏览
0 赞好
0 留言
餐饮 Asian Beauty Mocktail (跟餐+HKD68)
》个餐饮系 茉莉花茶+菠萝汁+柠檬香茅 调出既无酒精饮料，饮落非常清新，有强劲菠萝味，好饮。
Asian Beauty Mocktail
53 浏览
0 赞好
0 留言
张贴
