花楽 (北京道1號) (已結業)

今日同女朋友食飯，緊係要揀返間有情調既餐廳啦！呢間「花楽」係正尖沙咀，一出地鐵站就到勁方便，最最最正係佢呢個個景，落地大玻璃飽覽維港景色，淨係J個海都開心死！另外不定時仲會有live show現場有人自彈自唱，仲可以點歌，好romantic野食方面就主打日式食品，款式豐富，仲有好多特色食品打卡able添中華風燒賣壽司，好得別結合左香港元素入日式野到，上面其實係啖啖蟹肉，食壽司都食得寫意過人日式牛肉丼飯，用左石鍋製作，底下有少少飯焦好香口，牛肉嫩滑一啲都唔老，好出肉味，配埋牛肉汁同溫柔蛋食無得輸軟殼蟹卷好脆身，大大件一啖食唔晒，面頭蟹籽沙律醬可以話係畫龍點睛，唔使豉油都好夠味六味真蠔可以話喺呢度嘅特色，唔單止打卡好睇，每件唔同既蠔唔同做法，超級豐富。生蠔亦好新鮮鮮甜，一次過滿足幾個願望最後亦不得不提呢個海鮮壺，平時麻麻地食海鮮嘅我都覺得個湯勁鮮甜，一飲就知道落足好多材料同功夫，可以煲到啲海鮮味出晒黎都幾勁，飲完仲可以打開壺食埋啲海鮮，正呀！