星薈

营业中

休息中

家庭聚会最啱食中菜，今日同爸妈来到这间中菜厅晚饭，之前家姐食过话呢度质素唔错，所以今日佢同我哋来食。今日食嘅系$1288嘅2人套餐，佢系全包嘅。我哋叫咗两个。百味豆腐 •拍蒜青瓜首先食个前菜，百味豆腐炸得金黄香脆，内里嫩滑。青瓜爽脆，加埋香蒜同埋陈醋，好醒胃。海蛯汁龙虾-每位半只龙虾新鲜，肉质爽嫩，加上甘香浓郁海蛯汁，鲜味十足。虎乳菌翡翠炒带子带子够大粒，火侯刚好，带子里面保持鲜嫩。清蒸游水海星斑星斑蒸得好靓，啱啱熟，肉质细嫩，鱼汁鲜甜，蒸鱼豉油咸度刚好又提鲜。脆皮炸子鸡-半只热辣辣香喷喷，皮脆肉嫩，鸡肉juicy。羊肚菌杞子浸菜苗清清地的菜解一解油腻再食甜品。原个蛋黄寿桃包呢个招牌寿桃包同以往一样大大个，个包食落好软熟，再加埋香甜莲蓉同埋咸香漏油咸蛋黄，非常满足。精美甜品红豆沙清甜，散发少少果皮香，不错。