鮨千月 (已結業)

较少蒲天后，夹于美食本已经够令人花多眼乱嘅铜锣湾同炮台山北角之间，天后虽然一样食肆林立，但令人深刻嘅餐厅又确系唔多。而且可能租金关系，小店都上晒楼上舖，识食真系要自己瓹窿瓹罅或者求高人介绍！今次呢间都算系相当小店式经营嘅omakase，有连锁或集团嘅光环，正因为咁出品同埋服务就更加系留客之本！Lunch omakase 或定食定价都相宜，仲要有个好靓view嘅海景，加埋个balcony格局环境同service同酒店级数，super friendly！坐喺bar枱位置边望下啊师傅又边遥距欣赏个海景，lunch time嚟相信会坐到唔想走，甚至开始有啲怀疑人生「点解我要走，点解要返工？」🍣 小试牛刀个刺身定食，间白鱼、赤贝、中拖罗、鲜带子、深海池鱼冋鲱鱼，分量刚好，每道刺身都用唔同嘅topping 或配汁去提鲜，由淡到浓各自发挥。另外茶碗蒸都几别出心栽，除咗常见嘅百合连子外仲加咗小块鸡肉 ，滑嫩中渗出丝丝肉香。Overall 系几满意嘅一餐，基本地好，基本地发挥，或者未去到好wow玩玩味玩惊喜，但踏实做食都值得respect！值得科金去食！