HighFive (已結業)

今日喺姊妹既介绍之下黎到九龙城揾食，俾我揾到呢间西餐厅，环境优美，墙上可爱既卡通画加上特高既楼底好有空间感，令人坐得好舒服，咁就同 honey 倾几耐都唔怕啦。冻朱古力，可可味道香浓而唔太甜， 正合我意，比出面饮到嘅更加绵滑，有啲似奶昔咁嘅口感，令我喺野食未黎之前都已经几乎饮哂。跟餐既沙律，份量都唔细，沙律菜新鲜，仲有少有既红菜头。黑松露野菌汤，汤面的黑松露油，加上热腾腾的野菌汤，散发出极强的黑松露野菌香味，没有不好喝的理由。野菌忌廉意式云吞，一上枱已经闻到劲香既芝士味，摆入口更加系不得了，好香啊，云吞既馅料有菜蓉，一啖一粒，好快已经俾我地扫哂。迷迭香鸡翼，成只鸡翼基本上就系 pesto 酱既味道，正正就是卖飞佛，五只鸡翼只只都俾 peato 包裹住，充斥住佢独特既香味，yummy 。烤美国顶级肉眼扒，肉眼扒被烤好锁住肉汁，特别钟意边边既位置，烤得特别香，肉汁特别浓，身为配菜既露荀亦都好新鲜，点埋少少牛扒汁，好味。食饱饱再同逛吓九龙城街市买吓𩠌，美满既一日。