BriKetenia (香港科學園) (已易手) 新餐厅

呢間餐廳新開冇耐，因科學園冇乜好嘅餐廳，所以喺兩個月內分別食咗三次午餐及一次晚餐，而個餐牌係一樣嘅。同事及朋友都有分別叫唔同嘅嘢食，我就好專一，多數食番佢哋個意粉。午餐個平均每人$250，咁科學園冇好嘢食嘅情況下，加埋呢間餐廳都算少少出名，一兩次食超過200數嘅午餐都還接受到嘅。我想講嘅經驗係喺度食晚餐嘅感覺，因為男友未試過，所以就搵個星期日晚嚟試，晚市嘅餐牌都係一樣，但假錢就有啲唔同，食物款式及份量都一樣，咁晚市冇咁多人，服務再好少少。除咗set dinner外，我哋當晚有飲酒及叫咗兩隻生蠔🦪，$140蚊。呢個鵝肝brûlée 係超好食，喺第啲餐廳冇食過，一啲都唔漏。沙律調味好好龍蝦湯一般，唔似新鮮煮，$98蚊質素算好一般。龍蝦意粉都算好食牛扒sirloin 味道okay 甜品幾好咖啡☕️都okay 整體嘅食物算好食，但收費貴咗啲，格局加地區，食咗$1,387會有啲唔值，所以建議大家可以考慮lunch time 食，因為價錢平啲。