德記潮州菜館

营业中

休息中

行完西环码头，一行三人就揾下有咩好食，食得西餐多，有时总令人想起中菜，除左上海野同小炒，我一定会拣潮州菜。朋友食过德记，都系赞嘅，就胆粗粗六点半先订七点半三位。见到餐厅出面系黄金食饭时间有咁多人系门口等（目测：有三十人），相信都系坚野！等左一阵我地都有枱，坐定定后，一个亲切嘅伯伯问我地几位，见到另一位婶婶侍应笑脸相迎对客人，有时我觉得，人情味对一间食店都好重要，唔一定下下都要拆完起新野，所以服务系一流的！三个人叫左五样野，都真系有D眼濶肚窄，先上卤水鹅片，其实无咩特别，而且卤水味唔太浓，平平！蚝仔粥都算OK，蚝都算多，而且有木鱼（唔知系唔系咁叫），料系够，加埋胡椒粉，就更加野味！之后到个甜酸面，系有比较既情况底下，面炸得唔脆，有D“林”，曾经食过另一间系外脆内软既口感，如果问我边个先系正宗，我就真系唔知，不过‥‥‥我点都系钟意食香口野，所以佢就真系唔够脆。呢个炸物，就算我真系钟意食香口野既人，都觉得马马，其实我系睇番个菜名先知自己食紧咩，咬落口就唔算弹牙，不过系果度既推介，但朋友就几钟，所以各人有各种喜欢！全晚最钟意就系只鸡，泊得住酒楼去饮既水准，皮脆肉嫩，重有紫苏叶炸上，同鸡一齐入口