Chop Chop 食神叉燒 (宏安道) (已結業)

7:45pm二人- - -两人叫左 烧排骨拼叉烧饭（$85 + $20，要求半肥瘦叉），唔包汤亦唔包嘢饮，价格确实比较进取。嚟到见到满满既肉简直令人垂涎三尺，卖相唔错。先讲个烧排骨，少许㶶边，肥瘦比例几好！要注意一件都会有几粒尖骨。叉烧虽然叫左「半肥瘦」，但结果都系瘦而且比较干… 史提芬周话斋：零分！叉烧亦偏咸，食唔出麦芽糖香味。叫得 食神叉烧，估唔到今日美中不足却系叉烧！- - -顺带一提，我觉得烧味汁过多所以白饭过咸。- - -服务方面：本来想要走入少少坐，但阿姐坚持我地坐门口位，坐咗咁耐一杯水都冇俾… 明白职员想要清洁少张枱及鼓励客人买饮品，但食得嚟个价格我觉得佢哋服务方面可以改进。- - -总体嚟讲食物系OK嘅，不过至于「食神叉烧」呢个称号，我就有所保留。得闲咁啱经过不防可以试，但廉价好食嘅叉烧呢个区都有好几间，无必要特登过嚟食。