Cascara (已結業)

最近喺油麻地上堂，所以成日出没喺油麻地🤭 第一日上堂，立即要睇吓附近有边间 #咖啡店 可以 #Cafehopping 💕呢间咖啡店位于庙街𠮶边， 喺 #油麻地港铁站C出口 行过去两个街口左右～ 位于转角位，水泥色嘅门面几易揾，而且都几型格。店入面唔多座位，当日去嘅时候系平日朝早9点几，都早～唔太多人～叫咗杯热 #Latte ，有大细杯选择，贪心的me当然拣大杯（$48）～ 咖啡味几香，唔会太苦，唔错。当日天气仲要好好，唔热，朝早太阳又唔太晒，坐喺吧枱位望住街外几舒服。