甜記餃子

营业中

休息中

平均一个月都会去两三次甜记食，之前都系去开旺角不过见太子无咁多人坐得又舒服所以就转左去太子食。一向去都无特别讲有用餐时间，今日入座既时候都无听到员工提醒有用餐时间限制，然后突然间有个姐姐走埋唻讲用餐时间五十分钟，你地巳经过左十几分钟。 响个一刻先知既情况下感觉好似比人怪责紧咁。而其实五十分钟用餐时间真系几赶，我当点餐加出餐时间要十五分钟（煎饺随时耐d），即系实质得三十五分钟可以食。我两个人叫左二十只饺子，三个小食，重有两支豆浆，你叫我响三十五分钟入面食哂佢，不如我比你试吓要有几赶先做得到？提议店家响入座时提醒客人，之后响到时间再提多一次，至少比人有心理准备快d食完走。繁忙时间用餐时限绝对值得体谅，不过合理既时限亦都有需要。