星君冰廳

营业中

休息中

因为喺附近返工，佢哋啲嘢食都系几得，所以都几经常嚟食早餐、午餐同下午茶。可能佢哋啲嘢食都几好，繁忙时间真系好多人，我唔系好介意搭枱，不过我极度唔钟意揽住个背囊或者一袋二袋食嘢，所以每次都想坐靠墙有长櫈啲枱，可以放啲嘢喺旁边，唔使揽住。如果繁忙时间入嚟，佢哋会限住你坐呢度𠮶度，今日佢哋叫坐近门口已经有两个人嘅长櫈位，我坐低发觉个位好大风，我问有冇个冇咁大风嘅位，有个阿姐呼呼喝喝话：「而家咁多人，我唔可以俾你拣。」类似情况都耐唔耐会发生，今日我又食到一肚气！😡叫咗嘢食都一阵，冇人俾落单纸，冇人俾汤。𠮶个恶姐拎碗汤俾个客，个客话唔要，佢放喺我张枱，我想问下佢唔知落咗单未，佢大大声话：「你又唔系同我落，我唔会知！」成间餐厅都听到，连经理都问乜事。😓呢间餐厅啲蒸饭（除咗蒸鸡）都好食，够热、够份量同好味，问心𠮶句，嘢食真系好味得。今日嘅豉汁凤爪蒸排骨饭，够热、𩠌份量多、味道唔错。我叫咗走葱少饭，所以张相见到好少饭。我平日快快趣趣食完走人，知道佢哋多客，唔想「霸」住张枱。今日实在好激气，所以写完呢个review先走。第一次即埸写，即时upload。