星君冰廳

营业中

休息中

因為喺附近返工，佢哋啲嘢食都係幾得，所以都幾經常嚟食早餐、午餐同下午茶。可能佢哋啲嘢食都幾好，繁忙時間真係好多人，我唔係好介意搭枱，不過我極度唔鍾意攬住個背囊或者一袋二袋食嘢，所以每次都想坐靠牆有長櫈啲枱，可以放啲嘢喺旁邊，唔使攬住。如果繁忙時間入嚟，佢哋會限住你坐呢度嗰度，今日佢哋叫坐近門口已經有兩個人嘅長櫈位，我坐低發覺個位好大風，我問有冇個冇咁大風嘅位，有個阿姐呼呼喝喝話：「而家咁多人，我唔可以俾你揀。」類似情況都耐唔耐會發生，今日我又食到一肚氣！😡叫咗嘢食都一陣，冇人俾落單紙，冇人俾湯。嗰個惡姐拎碗湯俾個客，個客話唔要，佢放喺我張枱，我想問下佢唔知落咗單未，佢大大聲話：「你又唔係同我落，我唔會知！」成間餐廳都聽到，連經理都問乜事。😓呢間餐廳啲蒸飯（除咗蒸雞）都好食，夠熱、夠份量同好味，問心嗰句，嘢食真係好味得。今日嘅豉汁鳳爪蒸排骨飯，夠熱、餸份量多、味道唔錯。我叫咗走蔥少飯，所以張相見到好少飯。我平日快快趣趣食完走人，知道佢哋多客，唔想「霸」住張枱。今日實在好激氣，所以寫完呢個review先走。第一次即埸寫，即時upload。

今日好餓，所以搵一間餐廳食個下午茶餐。揀左一間港式茶記，近工廠區所以價錢好抵。雙拼下午茶連餐飲大約$36。叫左炸魚拼沙律，炸魚外脆內多肉汁，有魚味，好新鮮。沙律多生果及蔬菜粒，有口感又好味。今次仲叫炸批拼西多，炸批要加錢，非常大件，味道好好，外皮夠脆，內裏雞肉多汁嫩滑，又夠入味，即叫即炸，熱熱的，好正！西多係三粒，中間好多花生醬，重口味。糖醬自己加，同牛油都可自己控制份量。上次食炸豬扒，塊扒大過半隻碟，好抵食。另外瑞士雞翼都正，夠晒入味，雞翼入面的雞肉好嫩滑。飲品方面叫左熱奶茶，多奶好香滑。凍檸茶甜度適中，唔錯。下午茶來講，價錢好抵，算係超值，服務好好，坐得又好舒服，又唔駛等位，一定會再來食。

好少來新蒲崗食野，今次去完銀行近近地想食個下午茶餐，過條馬路就到左呢間「星君冰廳」，呢條街都好多食肆，係門口望左下個餐牌，覺得都幾抵食，於是就入左去試下。嗌左個馬來沙茶牛肉包配雜果沙律，仲有一杯熱杯奶茶。個包同沙律就不過不失啦，欣賞個牛肉包唔會整到好咸，奶茶好大杯仲整得幾好飲茶餐$35睇低左餐牌俾大家參考下

其實新蒲崗都算好多食肆，二茶餐廳食咗好多選擇。 星君冰室都係係工廈的地舖，出入口都唔算難搵。入到去睇餐牌，原來係一星期menu.即使午餐都日日唔同款，係附近返工既話即使日日黎食都唔怕撞款今日叫左蒸排骨飯，都好快有得食👍🏻 黎到都係熱辣辣🙌🏻 味道都唔錯！ 一個幾豐富的lunch time

6點無堂食🙄唯有食個下午茶🤪睇完炸髀關注組，有人題過依間..所以走黎試試看一睇餐牌，嚇親我😋🙋🏻‍♀️$38炸髀可以配西多士（好肥肥、但好正🤪）炸髀唔會炸得過左火、咬落仲勁多汁、勁熱辣辣😍以為呢個價錢西多士得少少，點知一上枱有三件、重點係件件都有個牛油配搭！！平時喺出邊食，都係得一舊牛油🧈⋯⋯西多士入邊有少少花生醬 完全唔係Hea做😍依個價錢低讚😌🙋🏻‍♀️$35沙嗲牛肉飽配薯條🍟睇食評沙嗲牛肉已經讚、今日下午茶就試下配包、包除左濃左d,唔夠靚仔、笑死我😂牛肉唔鞋身、沙嗲配搭好好食😍薯條唔講 都係甘..粗薯I like ❤️（仲有好多選擇可以任配，我就揀咗呢幾樣黎配搭）

聽老細講疫情下新鴻基仲要加租…..🤷🏻‍♀️咁冇良心👎🏻本地小店要靠香港人懲罰多d…..💛下午茶強烈推介 - 炸髀🍗🍗真心冇得輸 👏🏻 外脆內軟又香口

喺附近返工 已經食咗好多次佢哋嘅沙爹牛麵同奄列好有水準之前同事有推薦過下午茶下午茶系列全部都大分夾抵食有時間會再嚟試吓疫情下既好選擇希望呢間小店可以捱得住回復正常嘅時候有得繼續幫襯

·經過再來食lunch。每日都有不同精選午餐。有A-F 餐選擇。今次叫左個星洲炒米·因為見到格離台都好大碟🧐🧐吾想浪費。所以同待應講要一半份量都夠晒😂😂· 貌相幾好。今次記得影張相打個卡📸📸📸鑊氣十足 🔥🔥🔥 夠料又夠味 😋😋·其實正常份量係一倍。$51 個餐。大大碟好抵食😵😵·難得有質素有水準👍🏻👍🏻又不是連續式大集團的香港本地小店已經買少見少。要多多幫襯👍🏻👍🏻

比門口寫到好似書法咁靚架餐牌吸引左入去😂工廠區.本身都冇咩期望諗住一試.叫左個沙爹牛麵😍完全係驚喜之作.好高質👍🏻醬汁濃厚.d麵好彈牙！推介價錢經濟實惠好抵食.真係估唔到工廠區隱藏一間咁好架小店❤️下次會再幫襯

下午茶叫炸脾+薯條配紅豆冰真係無得輸😆😆我已經幫襯過N次呢間茶餐廳！雖然佢哋無特別嘅裝修，係一般地道嘅茶廳，但有佢哋嘅炸脾，已經俘虜我嘅心😂😂當日又再次點咗我嘅例牌下午餐：🔅炸雞脾配薯條🔅紅豆冰呢度有嘅係生炸脾！ 落order 後要等大概10分鐘，即叫即炸👍🏻 食落熱辣辣好juicy!! 炸脾啖啖肉，啲肉好嫰，味道剛好，唔會油膩！配埋炸薯條同埋透心涼嘅紅豆冰！真係非常大滿足，呢個地道下午茶，我比90分🤍🤍

今日午餐時間經過見到呢間餐廳，就入左去食野，坐低見到個午餐牌有海蜇咸雞飯，好少見到茶餐廳有海蜇咸雞飯食，咁我就試下叫左呢個餐黎食，佢午餐跟飲品同埋中湯。又出奇地個咸雞飯又幾好味喎，叫左杯凍檸茶小甜小冰，不得不說個師傅冲得好有水準，岩哂我口味，叫左小甜但杯茶完全冇苦澀味不得不讚👍👍1個午餐包飲品又包埋湯，真係好抵食。唯一缺點就係枱與枱之間比較小空間，不過都唔太影響。支持小店，下次會再幫襯。。。。。。

自己大意，和你pay顯示黃店，冇睇comment 就入去食。見到播cctvb新聞，坐低左落埋單就算。食食下，隔離枱阿叔同店員講佢碟蒸雞有隻小強🤮🤮🤮，姐姐即係話唔好意思，換碟新的比阿叔。我聽到已經冇晒胃口，好嘔心，好驚自己碟野都有。最後食完返公司，好快就肚痛肚痾🙈🙈🙈（利申：平時腸胃好好，食街邊野都唔會肚痛） 先唔理藍黃之分，污糟唔衛生真係好大問題。以後唔再幫襯😡😡😡

之前嚟過，食品ok,但地方比較擠迫，所以很少再嚟，今次再來地方寬敞咗啲，望清楚好似係個收銀處細咗，食品方面都仲保持到，早餐連回鍋肉都係炒嘅，唔係罐頭嘢，又幾好喎不過湯底重味啲，都ok,最欣賞杯咖啡，一擺上枱已經聞到好濃郁嘅咖啡味，飲落又香又醇，好耐未試過係茶餐廳飲到杯咁好味嘅咖啡，值得再嚟

同同事食lunch 諗住試下新野，入左黎呢間餐廳食。一黎到俾左個湯，飲左一淡，咸到飲唔到落去。咁之後叫左個叉燒煎蛋腸仔飯，個飯都係唔好食，D叉燒好硬又冇咩味，但都叫左啦咁唯有食埋去。食完開始飲野，我飲左兩啖就係度禁手機停低左，個同事飲飲下見到入面有隻曱甴！！！！！驚到我都唔敢飲即刻走。之後仲食到肚痛⋯⋯ 真係以後都唔會再黎！

沒想到午飯市會有沙律餐，在門口看到，即常試這家，雖有罐頭雜果，亦有新鮮蔬果在內，很好味炸魚柳和雜果沙律👍👍👍，我的同事叫了蒸肉餅👍👍👍，食到我同事常說這家好味d，湯亦👍，還有飲品